នៅ​ក្នុង​ជំនួប​កំពូល​កាល​ពី​​ថ្ងៃ សុក្រ ទី២៧ មេសា​កន្លង​ទៅ ប្រធានាធិបតី​កូរ៉េ​ខាង​ត្បូង​ត្រូវ​បាន​គេ​មើល​ឃើញ​ថា​បាន​ជូន​របស់​ពីរ​យ៉ាង​ដល់​មេ​ដឹក​នាំ​កូរ៉េខាងជើង​លោក គីម ជុងអ៊ុន។

យោង​តាម​សារព័ត៌មាន​ក្នុង​តំបន់​ជា​ច្រើន​រាយការណ៍​ថា លោក Moon Jae-in បាន​ជូន​ សៀវភៅ​មួយ​ក្បាល និង USB មួយ​ ដល់ គីម ជុងអ៊ុន។ នៅ​ក្នុង USB នេះ​គឺ​មាន​ផ្ទុក​សៀវភៅ​អេឡិចត្រូនិក (e-book) មួយ​ក្បាល​បង្ហាញ​ពី​ផែនទី​សេដ្ឋកិច្ច​ថ្មី​នៃ​ឧបទ្វីប​កូរ៉េ ដែល​លោក Moon បាន​ប្រកាស​កាល​ពី​ដើម​ឆ្នាំ។ ជាមួយ​គ្នា​ដែរ ផែនទី​នេះ​គឺ​ជា​ផែនការ​សហ​ប្រតិបត្តិការ​សេដ្ឋកិច្ច​​រវាង​កូរ៉េ​ទាំង​ពីរ ដើម្បី​ធ្វើ​ការ​ជាមួយ​គ្នា​នៅ​តំបន់​បី​រួម​មាន ៖

• តាម​បណ្ដោយ​ឆ្នេរ​ខាង​កើត និង​ប្រទេស​រុស្ស៊ី ប្រើប្រាស់សម្រាប់​ថាមពល និង​ធនធាន

• តាម​បណ្ដោយ​ឆ្នេរ​ខាង​លិច ប្រើប្រាស់សម្រាប់​ការ​ដឹក​ជញ្ជូន

• តំបន់ព្រំ​ដែន ប្រើប្រាស់​សម្រាប់​ទេសចរ។

លើស​ពី​នេះ​ទៀត ក្នុង USB នេះ​ក៏​មាន​ផ្ទុក​ព័ត៌មាន​មួយ​ចំនួន​ទាក់​ទង​នឹង​រោងចក្រ​ផលិត​ថាម​ពល​ផង​ដែរ។

គួរ​បញ្ជាក់​ថា ការ​ដែល​ប្រធានាធិបតី​កូរ៉េ​ខាង​ត្បូង​ជូន USB នេះ​ទៅ​គីម ជុងអ៊ុន គឺ​ក្នុង​គោល​បំណង​បញ្ចុះបញ្ចូល​កូរ៉េខាងជើង​ឲ្យ​ងាក​មក​ទទួល​ជំនួយ​សេដ្ឋកិច្ច​អន្តរជាតិ ជា​ជាង​ទទួល​ការ​ដាក់​ទណ្ឌកម្ម៕

ចុចអាន ៖

• ទីបំផុត ជំនួបលោក ត្រាំ និង លោក គីម នឹងធ្វើនៅប្រទេសអាស៊ានមួយនេះ

• ឆេះដុំពេក! កូរ៉េខាងជើង ព្រលះអាមេរិកឲ្យដឹងសខ្មៅ មុនជំនួបកំពូល

• កូរ៉េខាងត្បួងធ្វើរឿងមួយ ដើម្បីជួយកូរ៉េខាងជើងដកនុយក្លេអ៊ែរ