- 2018-05-10 08:12:20
- ព័ត៌មាន
កសិករវៀតណាមបរិច្ចាគដីស្រែ កសាងសាលាមត្តេយ្យ សម្រាប់កុមារជនជាតិដើមភាគតិច
- 2018-05-10 08:12:20
- ចំនួនមតិ 0 | ចំនួនចែករំលែក 0
កសិករវៀតណាមបរិច្ចាគដីស្រែ កសាងសាលាមត្តេយ្យ សម្រាប់កុមារជនជាតិដើមភាគតិច
ចន្លោះមិនឃើញ
កសិករនៅក្នុងប្រទេសវៀតណាមម្នាក់ បានធ្វើឲ្យគេកើតសរសើរ និងស្ញប់ស្ញែងយ៉ាងខ្លាំង បន្ទាប់ពីបានបរិច្ចាគដីធ្លីដល់អាជ្ញាធរមូលដ្ឋាន ដើម្បីកសាងសាលាមត្តេយ្យសមរម្យមួយ សម្រាប់កុមារក្នុងស្រុក ដែលជាសមាជិកក្រុមជនជាតិភាគតិច។
អ្នកស្រី Ho Thi Khun រស់នៅក្នុងឃុំ Khe Ngat ខេត្ត Quang Binh ដែលសហគមន៍ជនជាតិភាគតិចនៅទីនោះ មិនអាចមានលទ្ធភាពផ្ដល់ជាកន្លែងអប់រំដល់កូនៗរបស់ពួកគេ។ អ្នកស្រីដែលជាកសិករក្រីក្រម្នាក់ បានផ្ដល់ដីទំហំ ៨៥០ ម៉ែត្រការ៉េ នៃផ្ទៃដីសរុបចំនួន ២ ៥០០ ម៉ែត្រការ៉េរបស់ខ្លួន ដើម្បីសាងសង់សាលារៀន។
ស្វាមីរបស់អ្នកស្រីបានទទួលមរណភាពអស់ជាច្រើនឆ្នាំមកហើយ ដោយបន្សល់ទុកកូនស្រី ៦ នាក់ និងម្ដាយអាយុ ៧០ ឆ្នាំឲ្យអ្នកស្រីថែរក្សា។ មនុស្សជាច្រើនបានជំរុញឲ្យអ្នកស្រីលក់ដីខ្លះទៅ ដើម្បីអាចរស់នៅបានប្រសើរជាងនេះ ប៉ុន្តែអ្នកស្រីបានបដិសេធ។
គួរបញ្ជាក់ថា ក្នុងចំណោមផ្ទះ ៩៥ គ្រួសារនៅឃុំ Khe Ngat មានតែ ១៥ គ្រួសារប៉ុណ្ណោះមានដីស្រែសម្រាប់ដាំដុះ។ តាមប្រពៃណី ឪពុកម្ដាយនឹងបែងចែកដី ទៅដល់កូនៗនៅពេលពួកគេរៀបការ៕
ចុចអាន៖
