- 2018-05-18 03:17:46
- ព័ត៌មាន
រកឃើញរបស់មានតម្លៃច្រើនសន្ធឹក ក្រោយឆែកឆេរផ្ទះអតីតនាយករដ្ឋមន្ត្រី ម៉ាឡេស៊ី
- 2018-05-18 03:17:46
- ចំនួនមតិ 0 | ចំនួនចែករំលែក 0
រកឃើញរបស់មានតម្លៃច្រើនសន្ធឹក ក្រោយឆែកឆេរផ្ទះអតីតនាយករដ្ឋមន្ត្រី ម៉ាឡេស៊ី
ចន្លោះមិនឃើញ
មន្ត្រីប៉ូលិសម៉ាឡេស៊ី បានដកហូតប្រអប់ចំនួន ២៨៤ ដែលពោរពេញទៅដោយកាបូបថ្លៃៗ, លុយ និងគ្រឿងអលង្ការជាច្រើនពីក្នុងផ្ទះអតីតនាយករដ្ឋមន្ត្រី ម៉ាឡេស៊ី នាព្រឹកថ្ងៃសុក្រនេះ។
យោងតាមនាយកស៊ើបអង្កេតឧក្រិដ្ឋកម្មលោក Amar Signhឲ្យដឹងថា "យើងដកហូតបានគ្រឿងអលង្ការ, នាឡិកាដៃ និងរបស់មានតម្លៃជាច្រើនទៀត ប៉ុន្តែខ្ញុំមិនអាចនិយាយបានថារបស់ទាំងនោះមានតម្លៃពិតប្រាកដប៉ុន្មាននោះទេ ដោយសារតែមានគ្រឿងអលង្ការច្រើនខ្លាំងណាស់។" ជាមួយគ្នាដែរ លោក Signh ឲ្យដឹងទៀតថា ការស៊ើបអង្កេតនេះបានធ្វើឡើងក្រោយមានរឿងអាស្រូវលុយរាប់ពាន់លានដុល្លារ ពាក់ព័ន្ធនឹងមូលនិធិរបស់រដ្ឋ (1MDB) ដែលបង្កើតឡើងដោយអតីតនាយករដ្ឋមន្ត្រីរូបនេះ។
គួរឲ្យដឹងថា សមត្ថកិច្ចម៉ាឡេស៊ី បានបើកការស៊ើបអង្កេតលើទីតាំង ៥កន្លែង ចាប់ទាំងពីយប់ថ្ងៃទី១៦ ខែឧសភា រហូតដល់ព្រឹកថ្ងៃទី១៧ ខែឧសភា ២០១៨នេះ ពាក់ព័ន្ធនឹងអតីតនាយករដ្ឋមន្រ្តីម៉ាឡេស៊ី លោក ណាជីប រ៉ាហ្ស៉ាក់ ដែលក្នុងនោះ ក៏មានទាំងផ្ទះដែលក្រុមគ្រួសាររបស់លោករស់នៅផងដែរ៕
ចុចអាន ៖
