នៅ​ថ្ងៃ​ទី ១ ខែ​មិថុនា​នេះ រដ្ឋាភិបាល​ថៃ​សម្រេច​បិទ​កោះ​មួយ​នៅ​សមុទ្រ Andaman បើ​ទោះ​បី​ជា​ភ្ញៀវ​ទេសចរ​ដ៏​ច្រើន​លើស​លប់​សម្រុក​ទៅ​លេង​ក៏​ដោយ។

យោង​តាម​សេចក្តី​ថ្លែង​ការណ៍​មួយ​ចេញ​ដោយ​អាជ្ញាធរ​ទេសចរណ៍​ថៃ (TAT) ឲ្យ​ដឹង​ថា កោះ Ko Phi Phi ក្នុង​ខេត្ត Krabi នឹង​ត្រូវ​បិទ​រយៈ​ពេល​បួន​ខែ​ចាប់​ពី​ថ្ងៃ​ទី ១ ខែ​មិថុនា រហូត​ដល់ ថ្ងៃ​ទី ៣០​ខែ​កញ្ញា។ ទូក​ទាំង​អស់ នឹង​ត្រូវ​ហាម​ឃាត់​មិន​ឲ្យ​ចូល​មក​លើ​កោះ ឬ​ទម្លាក់​យុថ្កា​នៅ​ផ្នែក​ណា​មួយ​នៃ​កោះ​នោះ​ទេ។

ការ​សម្រេច​បិទ​កោះ​ទាំង​មូល​ដូច​នេះ ត្រូវ​បាន​គេ​ដឹង​ថា​ "ក្នុង​គោល​បំណង​សិក្សា​វាយ​តម្លៃ​គុណភាព​បរិស្ថាន​សមុទ្រ, ធនធាន​ឆ្នេរ​ខ្សាច់, ការ​គ្រប់គ្រង​បរិស្ថាន និង​ការ​គ្រប់​គ្រង​ទេសចរ។ លើស​ពី​នេះ​ទៀត គឺ​ដើម្បី​កំណត់​វិធាន​ការ​ជាក់​លាក់​មួយ​សម្រាប់​ការ​ពារ​បរិស្ថាន​នៅ​លើ​កោះ​ទាំង​មូល។" នេះ​បើ​តាម​ការ​ឲ្យ​ដឹង​ពី​អាជ្ញាធរ​ទេសចរណ៍​ថៃ (TAT)។

គួរ​ឲ្យ​ដឹង​ថា កោះ Ko Phi Phiបាន​ចាប់​ផ្ដើម​ល្បី​ឈ្មោះ​ខ្លាំង​ក្រោយ​ពី​ត្រូវ​គេ​យក​ធ្វើ​ជា​ទីតាំង​ថត​រឿង​ហូលីវូដ "The Beach" កាល​ពី​ឆ្នាំ​២០០០ ដែល​ធ្វើ​ឲ្យ​ទេសចរ​​ជា​ច្រើន​ចាប់​អារម្មណ៍ និង​សម្រុក​ទៅ​លេង​ភ្លូក​ទឹក​ភ្លូក​ដី៕

ចុចអាន ៖

• ចាប់ខ្លួនបុរសខ្មែរម្នាក់ ក្រោយបង្ហោះ​ព័ត៌មាន​មិនពិត ប៉ះពាល់នាយករដ្ឋមន្ត្រី ថៃ

• ថៃ​ មាន​បំណង​បញ្ជូន​ទុរេន​ទៅ​កាន់​លំហអាកាស

• ករណីគ្រូថៃ បង្ខំឲ្យសិស្សស្រី៣នាក់ដោះអាវទ្រនាប់ កំពុងផ្ទុះខ្លាំងលើបណ្តាញសង្គម