ចេញហើយ! លទ្ធផលនៃកិច្ចប្រជុំកំពូល អាមេរិក-កូរ៉េខាងជើង គឺ៤ចំណុចធំៗនេះ!

2018-06-12 07:16:47
ព័ត៌មាន

2018-06-12 07:16:47
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីបញ្ចប់កិច្ចប្រជុំកំពូល កាលពីព្រឹកថ្ងៃអង្គារ ទី១២ ខែមិថុនា ឆ្នាំ២០១៨ នេះ ប្រធានាធិបតីអាមេរិក លោក ដូណាល់ ត្រាំ និង មេដឹកនាំកូរ៉េខាងជើង លោក គីម ជុងអ៊ុន បានចុះហត្ថលេខាលើកិច្ចព្រមព្រៀងរួមគ្នា ដោយសម្រេចបានលទ្ធផលធំៗចំនួន ៤ ចំណុចដូចខាងក្រោម៖

ប្រធានាធិបតីអាមេរិក លោក ដូណាល់ ត្រាំ និង មេដឹកនាំកូរ៉េខាងជើង លោក គីម ជុងអ៊ុន ចុះហត្ថលេខាលើកិច្ចព្រមព្រៀងរួមគ្នាហើយ (រូបភាព៖ Kley Kley)

#១ សហរដ្ឋអាមេរិក និងកូរ៉េខាងជើង ប្ដេជ្ញាបង្កើតទំនាក់ទំនងថ្មីរវាងអាមេរិក-កូរ៉េខាងជើង (US-DPRK) ឲ្យស្របតាមបំណងប្រាថ្នារបស់ប្រជាជននៃប្រទេសទាំងពីរ ដើម្បីសុខសន្តិភាព និងវិបុលភាព។

#២ ប្រទេសទាំងពីរនឹងចូលរួមកិច្ចខិតខំប្រឹងប្រែង ដើម្បីកសាងសន្តិភាព និងស្ថិរភាពឲ្យបានគង់វង្សនៅឧបទ្វីបកូរ៉េ។

#៣ ដោយអះអាងជាថ្មីនូវសេចក្ដីប្រកាស «Panmunjom Declaration» ថ្ងៃទី២៧ ខែមេសា ឆ្នាំ២០១៨ កូរ៉េខាងជើង សន្យានឹងកម្ទេចកម្មវិធីនុយក្លេអ៊ែរឲ្យអស់នៅឧបទ្វីបកូរ៉េ។

#៤ សហរដ្ឋអាមេរិក និង កូរ៉េខាងជើង ប្ដេជ្ញានាំយកអ្នកទោសសង្គ្រាមដែលសេសសល់ រួមទាំងការធ្វើមាតុភូមិនិវត្តន៍ភ្លាមៗ នៃអ្នកដែលបានកំណត់អត្តសញ្ញាណរួចហើយ៕