ជួលរថយន្តFerrari តំលៃជាងកន្លះលានមកបុករបាំងផ្លូវលេង (មានវីដេអូ)

2018-06-24 03:20:04
ព័ត៌មាន

2018-06-24 03:20:04
ចំនួនមតិ 0 | ចំនួនចែករំលែក 0

ចន្លោះមិនឃើញ

ស្ត្រីចិនម្នាក់បានបំផ្លាញរថយន្តFerrari 458 តែមួយប៉ប្រិចភ្នែកក្រោយជួលវាហើយបើកបុករបាំងពុះចែកទ្រូងផ្លូវនៅក្រុងវេនលីញ ប្រទេសចិនកាលពីពេលថ្មីៗ។

ឃ្លីបបង្ហាញស្ត្រីម្នាក់បើករថយន្ត Ferrari 458តំលៃជាង៦៦០.០០០ដុល្លារតែបាត់បង់ម្ចាស់ការលើផ្លូវរអិលនិងបុករបាំងផ្លូវហើយជ្រុលទៅបុករថយន្តBMW មួយជាហេតុនាំអោយមានការបុកតគ្នា។

ខ្លីបខ្លីនេះទំនងជាថតដោយស្ត្រីនេះផ្ទាល់ខណៈនាងរង់ចាំភ្លើងសញ្ញាចរាចរណ៍ ។នាងតម្រង់កាមេរ៉ាដាក់អេក្រង់នាឡិកាក្នុងរថយន្តFerrariនិងនិយាយថា”ជាលើកដំបូងដែលបានបើកFerrari។វាពិតជាមានអារម្មណ៍អស្ចារ្យបំផុត”។

កាមេរ៉ាចរាចរណ៍នៅលើផ្លូវដ៏មមាញឹកបង្ហាញរថយន្តបើកឆែវចូលទ្រូវផ្លូវនិងបុករបាំងដែលខណ្ឌចែកទ្រូងផ្លូវហើយបុករថយន្តBMW X3ដែលក៏បណ្តាលអោយវាបុករថយន្តNissanពណ៌ខ្មៅមួយទៀត។

រូបភាពបង្ហោះដោយសាក្សីបង្ហាញរថយន្តFerrari 458 ខ្ទេចខាងមុខទាំងស្រុងហើយពោងសុវត្ថិភាពផ្ទុះ តែនាងនិងអ្នករួមដំណើរមិនបានរងរបួសទេ។

គេថារថយន្តនេះទើបត្រូវក្រុមហ៊ុនជួលរថយន្តមួយទិញក្នុងតំលៃកន្លះលានផោន(ជាង៦៦០.០០០ដុល្លារ) ហើយថ្លៃជួសជុលត្រូវគេប៉ាន់ស្មានថាអាចពាក់កណ្តាលនៃថ្លៃទិញមកនេះ។គេនៅមិនទាន់ដឹងថាតើស្ត្រីនេះមានធានារ៉ាប់រងនិងថាតើនរណានឹងទទួលជួសជុលការខូចខាតនេះ៕