- 2018-07-26 23:30:00
- ព័ត៌មាន
បួនចំណុចគួរដឹង មុនថ្ងៃបោះឆ្នោតចូលមកដល់
- 2018-07-26 23:30:00
- ចំនួនមតិ 0 | ចំនួនចែករំលែក 0
បួនចំណុចគួរដឹង មុនថ្ងៃបោះឆ្នោតចូលមកដល់
ចន្លោះមិនឃើញ
រំលងតែមួយថ្ងៃទៀតប៉ុណ្ណោះការបោះឆ្នោតជ្រើសតាំងតំណាងរាស្រ្តនីតិកាលទី៦នឹងចូលមកដល់ ដែលក្នុងការប្រកួតប្រជែងនេះគណបក្សនយោបាយចំនួន២០បានប្រកាសចូលរួម។
ម្ចាស់ឆ្នោតគួរដឹងពីចំណុចទាំងនេះមុនថ្ងៃបោះឆ្នោតចូលមកដល់។
១.ហាមទទួលទានគ្រឿងស្រវឹង៖ មួយថ្ងៃ មុនថ្ងៃបោះឆ្នោត និងថ្ងៃបោះឆ្នោត រដ្ឋាភិបាលបានហាមទទួលទានគ្រឿងស្រវឹង និងលក់ដូរគ្រឿងស្រវឹង។
អានបន្ត៖
២.ឯកសារសម្រាប់ការបោះឆ្នោត៖ ឯកសារដែលអាចបម្រើដល់ការបោះឆ្នោតបានគឺអត្តសញ្ញាណប័ណ្ណសញ្ជាតិខ្មែរ ឬ ឯកសារបញ្ជាក់អត្តសញ្ញាណ។ អ្នកដែលមិនទាន់មាន ឬបាត់អត្តសញ្ញាណប័ណ្ណសញ្ជាតិខ្មែរ អាចទៅសុំលិខិតបញ្ជាក់អត្តសញ្ញាណពីមន្ត្រីឃុំ សង្កាត់រៀបចំការបោះឆ្នោតដើម្បីធ្វើឯកសារបញ្ជាក់អត្តសញ្ញាណសម្រាប់បោះឆ្នោត។
៣.ពិនិត្យឈ្មោះ៖ ម្ចាស់ឆ្នោតអាចដឹងទីតាំង និងលេខកូដការិយាល័យបោះឆ្នោតបានតាមរយៈប័ណ្ណព័ត៌មានដែលអាជ្ញាធរចែកជូន ឬបើមិនបានទទួលអាចចូលទៅពិនិត្យឈ្មោះតាមរយៈគេហទំព័រVoterlist របស់គ.ជ.ប។
៤.ស្គាល់ទីតាំងតាមGoogle maps៖ កាន់តែងាយស្រួល អ្នកទៅបោះឆ្នោតអាចស្វែងរកមណ្ឌលបោះឆ្នោតរបស់ខ្លួនបានតាមគេហទំព័រ Pollingstation របស់គ.ជ.ប។
ការបោះឆ្នោតនឹងប្រព្រឹត្តទៅនៅថ្ងៃទី២៩ ខែកក្កដា ឆ្នាំ២០១៨ ចាប់ពីម៉ោង៧ព្រឹក ដល់ម៉ោង៣រសៀល ដែលមានគណបក្សនយោបាយចំនួន២០ចូលរួមប្រកួតប្រជែងយកអាសនៈក្នុងរដ្ឋសភាចំនួន១២៥៕
