- 2018-08-03 10:00:13
- ព័ត៌មាន
ថៃ ចំណាយ១០លានបាត សាងសង់សារមន្ទីរ រំលឹកដល់ការជួយសង្គ្រោះក្មេង ចេញពីរូងភ្នំថាំហ្លួង
- 2018-08-03 10:00:13
- ចំនួនមតិ 0 | ចំនួនចែករំលែក 0
ថៃ ចំណាយ១០លានបាត សាងសង់សារមន្ទីរ រំលឹកដល់ការជួយសង្គ្រោះក្មេង ចេញពីរូងភ្នំថាំហ្លួង
ចន្លោះមិនឃើញ
កាលពីថ្ងៃព្រហស្បតិ៍ ទី០២ ខែសីហា ឆ្នាំ២០១៨ ម្សិលមិញនេះ ក្រុមកម្មករសំណង់ថៃ បានចាប់ផ្ដើមការសាងសង់សារមន្ទីរមួយ ដើម្បីរំលឹកដល់ការជួយសង្គ្រោះក្មេងចេញពីរូងភ្នំថាំហ្លួង និងការស្លាប់របស់អ្នកមុជទឹកម្នាក់ផងដែរ។
គួររំលឹកឲ្យដឹងថា ក្មេងប្រុសថៃ ១២នាក់ អាយុចន្លោះពី ១១ ដល់ ១៦ឆ្នាំ និងគ្រូបង្វឹកបាល់ទាត់អាយុ ២៥ឆ្នាំ បានបាត់ខ្លួនកាលពីថ្ងៃទី២៣ ខែមិថុនា ឆ្នាំ២០១៨ កន្លងទៅនេះ បន្ទាប់ពីចូលទៅក្នុងរូងភ្នំខាងលើ។ រយៈពេលជាង២សប្តាហ៍ក្រោយមក ទើបពួកគេអាចចេញពីរូងភ្នំនោះបាន ដោយសារតែមានការជួយសង្គ្រោះពីអ្នកជំនាញជាច្រើន មកពីជុំវិញពិភពលោក។
យ៉ាងណាមិញ ការសាងសង់សារមន្ទីរនោះបានចាប់ផ្ដើម បន្ទាប់ពីការធ្វើពិធីបុណ្យព្រះពុទ្ធសាសនាមួយ កាលពីថ្ងៃពុធ នៅឯរូងភ្នំថាំហ្លួង ស្ថិតក្នុងខេត្តឈៀងរ៉ាយ ប្រទេសថៃ ដើម្បីសុំសេចក្ដីសុខ។
គួរបញ្ជាក់ថា សារមន្ទីរនេះត្រូវគេរំពឹងថា នឹងចំណាយពេលសាងសង់ ៥ខែ និងទឹកប្រាក់ ១០លានបាត (ប្រហែល ៣សែនដុល្លារ) ដែលឧបត្ថម្ភដោយវិចិត្រករជនជាតិថៃម្នាក់ មានឈ្មោះថា Chalermchai Kositpipat។
Chalermchai បាននិយាយថា «កន្លែងនេះនឹងមានអត្ថប្រយោជន៍សម្រាប់ប្រទេសរបស់យើង ព្រោះវានឹងរំលឹកដល់សហប្រតិបត្តិការអន្តរជាតិ និងវីរបុរសដែលបានលះបង់ជីវិត។ អ្នកទេសចរមកពីជុំវិញពិភពលោក នឹងមកលេងកន្លែងនេះ»។
សារមន្ទីរខាងលើនឹងមានគំនូរប្រវែង ១៣ម៉ែត្រមួយផ្ទាំង ដែលបង្ហាញឲ្យឃើញក្រុមអ្នកជួយសង្គ្រោះ រួមទាំងអ្នកមុជទឹកអង់គ្លេសដែលរកឃើញក្មេងៗដំបូងគេបង្អស់ជាដើម៕
