- 2018-12-27 12:57:15
- ព័ត៌មាន
បុរសបារាំងម្នាក់ ធ្វើដំណើរឆ្លងកាត់មហាសមុទ្រអាត្លង់ទិចជាមួយនឹងធុងមួយ
- 2018-12-27 12:57:15
- ចំនួនមតិ 0 | ចំនួនចែករំលែក 0
បុរសបារាំងម្នាក់ ធ្វើដំណើរឆ្លងកាត់មហាសមុទ្រអាត្លង់ទិចជាមួយនឹងធុងមួយ
ចន្លោះមិនឃើញ
លោក Jean-Jacques Savin បានបណ្ដែតធុងធំមួយ ដើម្បីឆ្លងកាត់មហាសមុទ្រអាត្លង់ទិច ដោយធ្វើដំណើរតាមចរន្តសមុទ្រ។ បុរសវ័យ ៧១ឆ្នាំរូបនេះ បានចាកចេញពីកោះ Cannary របស់អេស្ប៉ាញ ហើយសង្ឃឹមថានឹងដល់ប្រជុំកោះការីប៊ៀនក្នុងរយៈពេល ៣ខែ។
ធុងមួយនេះ មានបណ្ដោយ ៣ម៉ែត្រ និង ទទឹង ២.១ម៉ែត្រ ហើយខាងក្នុងមានទំហំ ៦ម៉ែត្រការេ។ ក្នុងធុងនេះដែរ ក៏មានគ្រែដេក ផ្ទះបាយ និង ឃ្លាំងផ្ទុកទំនិញ ព្រមទាំងមានប្រលោះមួយនៅបាតធុង ទុកសម្រាប់ចាប់ត្រីទៀតផង។
ធុងនោះត្រូវបានធ្វើឡើងដើម្បីការពារពីរលកធំៗ ក៏ដូចជាការវាយប្រហាររបស់ត្រីបាឡែន។ វាមានបំពាក់បន្ទះស្រូបថាមពលពន្លឺព្រះអាទិត្យ សម្រាប់កំណត់ទីតាំង GPS និង ជំនួយដល់ឧបករណ៍ទំនាក់ទំនង។
លោក Savin ជាអតីតកងទ័ពឆត្រយោង ហើយធ្លាប់ធ្វើការជាអ្នកបើកបរយន្តហោះ និង អ្នកយាមឧទ្យាន៕