- 2019-01-14 07:00:56
- ព័ត៌មាន
ដូណាល់ ត្រាំ ស្នើជួប គីម ជុងអ៊ុន ក្នុងប្រទេសវៀតណាម ពាក់កណ្តាលខែកុម្ភៈ
- 2019-01-14 07:00:56
- ចំនួនមតិ 0 | ចំនួនចែករំលែក 0
ដូណាល់ ត្រាំ ស្នើជួប គីម ជុងអ៊ុន ក្នុងប្រទេសវៀតណាម ពាក់កណ្តាលខែកុម្ភៈ
ចន្លោះមិនឃើញ
របាយការណ៍បរទេសមួយបានឲ្យដឹងកាលពីថ្ងៃអាទិត្យម្សិលមិញនេះថា ប្រធានាធិបតីអាមេរិក ដូណាល់ ត្រាំ បានស្នើឲ្យធ្វើកិច្ចប្រជុំកំពូលលើកទី២ ជាមួយមេដឹកនាំកូរ៉េខាងជើង គីម ជុងអ៊ុន នៅពាក់កណ្ដាលខែកុម្ភៈ ក្នុងប្រទេសវៀតណាម។
របាយការណ៍នេះបានកើតឡើងចំពេលដែលមានការរំពឹងទុកថា មេដឹកនាំទាំងពីរនឹងរៀបចំកិច្ចប្រជុំកំពូលរបស់ពួកគេ ដើម្បីបន្តកិច្ចពិភាក្សាក្នុងការបញ្ឈប់នុយក្លេអ៊ែរ។ គួររំលឹកថា ពួកគេបានជួបគ្នាលើកដំបូងនៅក្នុងប្រទេសសិង្ហបុរី កាលពីខែមិថុនា ឆ្នាំ២០១៨។
បើតាមរបាយការណ៍ព័ត៌មានពីកាសែតជប៉ុន Yomiuri Shimbun បាននិយាយថា កូរ៉េខាងជើងកំពុងពិនិត្យសំណើរបស់សហរដ្ឋអាមេរិក ហើយមិនទាន់បានផ្ដល់ការឆ្លើយតបជាផ្លូវការនោះទេ។
ជាមួយគ្នានេះ កាសែតសិង្ហបុរី Strait Times ក៏បានរាយការណ៍ពីមុនមកផងដែរថា ប្រទេសវៀតណាម ថៃ និងសិង្ហបុរី ស្ថិតនៅក្នុងបញ្ជីសម្រាប់កិច្ចប្រជុំលើកទីពីររបស់ ដូណាល់ ត្រាំ និង គីម ជុងអ៊ុន៕
