- 2019-01-21 03:49:43
- ព័ត៌មាន
ដូណាល់ ត្រាំ និង គីម ជុងអ៊ុន រើសបានទីតាំងសម្រាប់កិច្ចប្រជុំកំពូលលើកទី២ហើយ!
- 2019-01-21 03:49:43
- ចំនួនមតិ 0 | ចំនួនចែករំលែក 0
ដូណាល់ ត្រាំ និង គីម ជុងអ៊ុន រើសបានទីតាំងសម្រាប់កិច្ចប្រជុំកំពូលលើកទី២ហើយ!
ចន្លោះមិនឃើញ
ប្រធានាធិបតីអាមេរិក ដូណាល់ ត្រាំ បាននិយាយកាលពីថ្ងៃសៅរ៍កន្លងទៅនេះថា «គ្រប់យ៉ាងដំណើរការយ៉ាងរលូនជាមួយកូរ៉េខាងជើង» ហើយលោកមានគម្រោងជួបជាមួយ លោក គីម ជុងអ៊ុន ដើម្បីព្យាយាមធ្វើកិច្ចព្រមព្រៀងមួយដែលអាចទាក់ទាញកូរ៉េខាងជើងឲ្យបោះបង់អាវុធនុយក្លេអ៊ែររបស់ខ្លួន។
ជាមួយគ្នានេះដែរ លោក ត្រាំ បានប្រាប់ក្រុមអ្នកកាសែតនៅឯសេតវិមានថា «យើងបានព្រមព្រៀងជួបគ្នានៅចុងខែកុម្ភៈ។ យើងបានជ្រើសរើសប្រទេសមួយរួចហើយ ប៉ុន្តែយើងនឹងប្រកាសវានៅថ្ងៃខាងមុខ»។
គួរបញ្ជាក់ថា ព័ត៌មានដំបូងនៃជំនួបលើកទី២ ជាមួយមេដឹកនាំកូរ៉េខាងជើងនេះ បានកើតឡើងបន្ទាប់ពីសម័យប្រជុំ ៩០នាទីរបស់ លោក ត្រាំ កាលពីថ្ងៃសុក្រ នៅក្នុងការិយាល័យ Oval ជាមួយបេសកជនកូរ៉េខាងជើង លោក Kim Yong Chol ដែលបានធ្វើដំណើរទៅកាន់ទីក្រុងវ៉ាស៊ីនតោន ដើម្បីពិភាក្សាអំពីកិច្ចចរចាលុបបំបាត់អាវុធនុយក្លេអ៊ែរ។
យ៉ាងណាមិញ លោក ត្រាំ បានថ្លែងបន្តថា «យើងបាននិយាយអំពីរឿងផ្សេងៗជាច្រើន ហើយគ្រប់យ៉ាងដំណើរការយ៉ាងរលូនជាមួយកូរ៉េខាងជើង»៕
ចុចអាន៖