- 2019-09-12 04:48:37
- ព័ត៌មាន
បួនថ្ងៃនេះនឹងមានការផ្អាកផ្គត់ផ្គង់អគ្គិសនី៨ម៉ោងក្នុងមួយថ្ងៃទៅតាមតំបន់
- 2019-09-12 04:48:37
- ចំនួនមតិ 0 | ចំនួនចែករំលែក 0
បួនថ្ងៃនេះនឹងមានការផ្អាកផ្គត់ផ្គង់អគ្គិសនី៨ម៉ោងក្នុងមួយថ្ងៃទៅតាមតំបន់
ចន្លោះមិនឃើញ
អគ្គិសនីកម្ពុជានឹងផ្អាកការផ្គត់ផ្គង់អគ្គិសនីនៅតាមតំបន់មួយចំនួនក្នុងរាជធានីភ្នំពេញចន្លោះពីថ្ងៃទី១២ ដល់ទី១៥ ខែកញ្ញា ដោយថាដើម្បីអនុវត្តការងារជួសជុល ផ្លាស់ប្តូរ ដំឡើងបរិក្ខារនានា និងរុះរើគន្លងខ្សែបណ្តាញបង្កលក្ខណៈដល់ការដ្ឋានពង្រីកផ្លូវ ។
ក្នុងសេចក្ដីជូនដំណឹងមួយចុះផ្សាយកាលពីថ្ងៃទី១០ ខែកញ្ញា អគ្គិសនីកម្ពុជាឲ្យដឹងថានៅថ្ងៃទី១២ ខែកញ្ញា នេះនឹងផ្អាកការផ្គត់ផ្គង់អគ្គិសនីពីម៉ោង៩ព្រឹកដល់ម៉ោង៥ល្ងាចនៅសង្កាត់ខ្លះក្នុងខណ្ឌច្បារអំពៅ ខណ្ឌសែនសុខ ទួលគោកនិងកន្លែងខ្លះក្នុងខណ្ឌឫស្សីកែវ ។
សម្រាប់ថ្ងៃទី១៣ ខែកញ្ញា វិញអគ្គិសនីកម្ពុជានឹងផ្អាកការផ្គត់ផ្គង់ពីម៉ោង៩ព្រឹកដល់ម៉ោង៥ល្ងាចនៅសង្កាត់ខ្លះក្នុងខណ្ឌជ្រោយចង្វារ សែនសុខ ច្បារអំពៅ ពោធិ៍សែនជ័យ និងឃុំមួយចំនួននៅស្រុកអង្គស្នួល ខេត្តកណ្ដាល។
ដោយឡែកនៅថ្ងៃទី១៤ ខែកញ្ញា វិញចាប់ពីម៉ោង៩ ដល់ម៉ោង៥ល្ងាចអគ្គិសនីកម្ពុជានឹងផ្អាកការផ្គត់ផ្គង់នៅសង្កាត់ខ្លះក្នុងខណ្ឌទួលគោក ច្បារអំពៅ ពោធិ៍សែនជ័យ កំបូល និងឃុំមួយចំនួនក្នុងស្រុកអង្គស្នួលផងដែរ។
សម្រាប់នៅថ្ងៃទី១៥ ខែកញ្ញា វិញអគ្គិសនីកម្ពុជានឹងផ្អាកការផ្គត់ផ្គង់អគ្គិសនីពីម៉ោង៩ព្រឹក ដល់ម៉ោង៥ល្ងាចនៅក្នុងសង្កាត់ខ្លះក្នុងខណ្ឌសែនសុខ ខណ្ឌដង្កោ ពោធិ៍សែនជ័យ កំបូល និងឃុំខ្លះក្នុងស្រុលអង្គស្នួល៕
ពិនិត្យទីតាំងនៅទីនេះ