- 2020-01-29 07:26:32
- ព័ត៌មាន
ត្រឹមពេល ៤ថ្ងៃ! ចិនសាងសង់មន្ទីរពេទ្យថ្មី សម្រាប់អ្នកឆ្លងវីរុសកូរ៉ូណាបានប៉ុណ្ណាហើយ? (វីដេអូ)
- 2020-01-29 07:26:32
- ចំនួនមតិ 0 | ចំនួនចែករំលែក 0
ត្រឹមពេល ៤ថ្ងៃ! ចិនសាងសង់មន្ទីរពេទ្យថ្មី សម្រាប់អ្នកឆ្លងវីរុសកូរ៉ូណាបានប៉ុណ្ណាហើយ? (វីដេអូ)
ចន្លោះមិនឃើញ
ដើម្បីជាការដោះស្រាយបញ្ហាអ្នកឆ្លងវីរុសកូរ៉ូណាដ៏កាចសាហាវ ដែលកំពុងរាលដាលក្នុងប្រទេសចិន និងបណ្ដាប្រទេសផ្សេងៗទៀត រដ្ឋាភិបាលទីក្រុង Wuhan បានប្រកាសសាងសង់មន្ទីរពេទ្យថ្មីចំនួន ២ដោយប្រើរយៈពេលត្រឹមតែ ៦ថ្ងៃប៉ុណ្ណោះ។
មន្ទីរពេទ្យទីមួយដែលកំពុងសាងសង់ មានឈ្មោះថា Huoshenshan ទំហំ ២៥ ០០០ ម៉ែត្រការ៉េនឹងអាចទទួលអ្នកជំងឺបាន ១ ពាន់នាក់ ដោយមានគ្រែចំនួន ១ ពាន់។ គេរំពឹងថាវានឹងបញ្ចប់ការសាងសង់ ហើយបើកទទួលអ្នកជំងឺនៅថ្ងៃទី ៣ ខែកុម្ភៈ ដែលចាប់ផ្ដើមសាងសង់ពីថ្ងៃសុក្រសប្ដាហ៍មុន។ គិតមកត្រឹមពេលនេះ ការសាងសង់បានចំណាយពេលអស់រយៈពេល ៤ថ្ងៃមកហើយ ដោយគម្រោងនេះ បានធ្វើឲ្យប្រជាជននៅជុំវិញពិភពលោកមានការភ្ញាក់ផ្អើលជាខ្លាំង ដែលវាបង្ហាញពីល្បឿននៃការសាងសង់របស់ប្រទេសចិន។ នៅក្នុងវីដេអូ គេឃើញមានដងស្ទូច និងគ្រឿងចក្ររាប់រយច្រើនគ្រឿងដែលកំពុងបំពេញការងារសាងសង់ដើម្បីឲ្យទាន់ពេលវេលា។ នៅពេលនេះ គ្រឹះនៃអគារមន្ទីរពេទ្យ បានលេចជារូបរាងហើយនិងអាចបញ្ចប់ការសាងសង់អគារទាំងមូលក្នុងរយៈពេលប៉ុន្មានថ្ងៃទៀតប៉ុណ្ណោះ។
គួរឲ្យដឹងថា កាលពីឆ្នាំ ២០០៣កន្លងទៅ អាជ្ញាធរចិនក៏ធ្លាប់សាងសង់មន្ទីរពេទ្យមួយឈ្មោះថា Xiaotangshan ក្នុងទីក្រុងប៉េកាំងផងដែរ ដោយចំណាយពេលត្រឹម ៧ថ្ងៃប៉ុណ្ណោះដើម្បីជាការឆ្លើយតបនឹងការឆ្លងជំងឺ SARS។ មន្ទីរពេទ្យនេះ បានទទួលព្យាបាលអ្នកជំងឺ ១/៧ ក្នុងចំណោមអ្នកឆ្លងជំងឺទាំងអស់ក្នុងប្រទេសកាលពីឆ្នាំនោះ៕
សូមទស្សនាវីដេអូខាងក្រោម ៖