- 2020-02-07 06:43:01
- ព័ត៌មាន
ស្ទើរមិនគួរឲ្យជឿ! ទីក្រុងសៀងហៃ ប្រែជាស្ងាត់ជ្រងំក្រោយផ្ទុះកូរ៉ូណាវីរុសនៅចិន (មានវីដេអូ)
- 2020-02-07 06:43:01
- ចំនួនមតិ 0 | ចំនួនចែករំលែក 0
ស្ទើរមិនគួរឲ្យជឿ! ទីក្រុងសៀងហៃ ប្រែជាស្ងាត់ជ្រងំក្រោយផ្ទុះកូរ៉ូណាវីរុសនៅចិន (មានវីដេអូ)
ចន្លោះមិនឃើញ
ខណៈពេលដែលកូរ៉ូណាវីរុសដែលបានផ្ទុះឡើងក្នុងទីក្រុង Wuhan និងបន្ដរាលដាលទូទាំងប្រទេសចិនក៏ដូចជាបណ្ដាប្រទេសជាង ២០ទៀត នៅទីក្រុងសៀងហៃឯណេះវិញ បានប្រែពីទីក្រុងធ្លាប់មានមនុស្សធ្វើដំណើរអូរអមកជាស្ងាត់ជ្រងំ។
នៅថ្ងៃទី ៦ខែកុម្ភៈនេះ អ្នករាយការណ៍របស់ BBC លោក Robin Brant បានថតវីដេអូទិដ្ឋភាពស្ងាត់ជ្រងំនៅតាមខ្សែរថភ្លើង និងផ្លូវធំៗក្នុងទីក្រុងសៀងហៃ។ ជាធម្មតា មនុស្សរាប់សិបលាននាក់ បានធ្វើដំណើរតាមខ្សែរថភ្លើងក្រោមដីជារៀងរាល់ថ្ងៃ។ ប៉ុន្តែក្រោយពេលដែលផ្ទុះវីរុសកូរ៉ូណាឡើងមក ប្រជាជនភាគច្រើនសម្រេចចិត្តនៅផ្ទះមិនចេញក្រៅដើម្បីការពារពីការឆ្លងវីរុសនេះ។ ក្រៅពីនេះ ហាងទំនិញ, អាជីវកម្ម និងផ្សារទំនើបផ្សេងៗ ត្រូវបានបិទទ្វារជាបណ្ដោះអាសន្ន ខណៈដែលនៅតាមផ្លូវដែលធ្លាប់តែមមាញឹក ប្រែមកជាទូលាយមិនសូវមានការធ្វើចរាចរ។
គួរឲ្យដឹងថា មកទល់ពេលនេះ ចំនួនអ្នកស្លាប់ជាផ្លូវការពីការផ្ទុះឡើងនៃវីរុសកូរ៉ូណា បានកើនឡើងនៅថ្ងៃសុក្រ (៧ កុម្ភៈ) ដល់ ៦៣៦ នាក់ហើយដោយរដ្ឋាភិបាលនិយាយថាការឆ្លងសរុបបានកើនឡើងដល់ ៣០,០០០ នាក់៕
សូមទស្សនាវីដេអូខាងក្រោម ៖