- 2020-02-24 05:10:00
- ព័ត៌មាន
ពន្យារមង្គលការ ដើម្បីទៅព្យាបាលអ្នកជំងឺកូរ៉ូណា វេជ្ជបណ្ឌិតទទួលមរណភាពក្នុងវ័យ២៩ ឆ្នាំ
- 2020-02-24 05:10:00
- ចំនួនមតិ 0 | ចំនួនចែករំលែក 0
ពន្យារមង្គលការ ដើម្បីទៅព្យាបាលអ្នកជំងឺកូរ៉ូណា វេជ្ជបណ្ឌិតទទួលមរណភាពក្នុងវ័យ២៩ ឆ្នាំ
ចន្លោះមិនឃើញ
លោកវេជ្ជបណ្ឌិត Beng Yue Hua បានលាចាកលោកជារៀងរហូតនៅវ័យ២៩ឆ្នាំ ដោយគ្មានឱកាសកាន់ដៃនារីដែលខ្លួនស្រលាញ់ចូលរោងការឡើយ។
ប្រសិនបើគ្មានការរាតត្បាតនៃវីរុសកូរ៉ូណានោះទេ លោកវេជ្ជបណ្ឌិត Beng Yue Hua ធ្វើការនៅមន្ទីរពេទ្យ Jiang Xia ទីក្រុង Wuhan ប្រទេសចិន នឹងត្រូវចូលរោងការនៅក្នុងខែកុម្ភៈនេះ។ យ៉ាងណាក្ដីដោយសារតែរាតត្បាតនៃវីរុសខាងលើ លោកវេជ្ជបណ្ឌិតរូបនេះ ត្រូវពន្យារមង្គលការខ្លួន ដើម្បីបំពេញកាតព្វកិច្ចរបស់ខ្លួន។ ខណៈកំពុងរវល់បំផុត មិត្តរួមការងាររបស់ពេទ្យ២៩ឆ្នាំ បានសួរលោកថា ចង់ដកឃ្លាទៅមើលប្រពន្ធឬអត់ ពេទ្យវ័យ២៩ឆ្នាំ បានគ្រវីក្បាល ហើយឲ្យពេទ្យចាស់ៗទៅសម្រាកវិញ ដ្បិតលោកគិតថាខ្លួននៅក្មេង។
យ៉ាងណាក្ដី មកដល់ថ្ងៃទី ២៥ ខែមករា វេជ្ជបណ្ឌិត Beng ត្រូវចូលពេទ្យដោយសារខ្លួនបានឆ្លងវីរុស កូរ៉ូណាទៅហើយ។ លោកត្រូវរលាកសួតជាទំងន់។ ទោះបីជាត្រូវបានមើលថែយ៉ាងដិតដល់ តែដល់យប់ថ្ងៃទី ២០ ខែកុម្ភៈ លោកបានទទួលមរណភាពក្នុងវ័យ២៩ឆ្នាំ។
រូបភាពចុងក្រោយ របស់ពេទ្យរូបនេះ នៅក្នុងបន្ទប់សង្គ្រោះបន្ទាន់បានធ្វើឲ្យគេស្រណោះជាខ្លាំង ដ្បិតសុខភាពខ្សោយហើយ តែលោកនៅតែខំញញឺម។ នៅពេលនេះ អ្នកដែលគេអាណិតជាងគេគឺគូដណ្ដឹងរបស់លោក ដែលបានបាត់បង់អនាគតស្វាមីរបស់ខ្លួនជារៀងរហូត៕