/5e5f0ebb6cdae_1583287980_medium.jpg)
- 2020-03-04 02:14:54
- ព័ត៌មាន
ដល់ដំណាក់កាលហើយ! ធនាគារពិភពលោក បញ្ចេញលុយ ១២ប៊ីលានដុល្លារ ប្រយុទ្ធកូរ៉ូណាវីរុស
- 2020-03-04 02:14:54
- ចំនួនមតិ 0 | ចំនួនចែករំលែក 0
ដល់ដំណាក់កាលហើយ! ធនាគារពិភពលោក បញ្ចេញលុយ ១២ប៊ីលានដុល្លារ ប្រយុទ្ធកូរ៉ូណាវីរុស
ចន្លោះមិនឃើញ
ធនាគារពិភពលោក បានបញ្ចេញកញ្ចប់ថវិកាជំនួយចំនួន ១២ប៊ីលានដុល្លារកាលពីថ្ងៃអង្គារកន្លងទៅដើម្បីប្រយុទ្ធប្រឆាំងនឹងជំងឺឆ្លងថ្មីដែលផ្ទុះឡើងក្នុងប្រទេសចិន។
យោងតាមប្រធានធនាគារពិភពលោកលោក David Malpass បានប្រាប់អ្នកយកព័ត៌មានថា “ គោលដៅរបស់យើង គឺផ្តល់នូវសកម្មភាពរហ័ស និងមានប្រសិទ្ធភាពដែលឆ្លើយតបទៅនឹងតម្រូវការរបស់ប្រទេសនានា។” លោកបានបន្ថែមថា វាមានសារៈសំខាន់ណាស់ដើម្បីទទួលស្គាល់ថា ប្រទេសក្រីក្រមានបន្ទុកបន្ថែម" ដែលខ្វះខាតឧបករណ៍ផ្សេងៗដើម្បីការពារការរីករាលដាលនៃ COVID-19។ ជាមួយគ្នាដែរ នៅក្នុងសេចក្តីថ្លែងការណ៍ឲ្យដឹងថា មូលនិធិដែលត្រូវបានកំណត់គោលដៅសម្រាប់ប្រទេសក្រីក្របំផុតនៅលើពិភពលោក អាចត្រូវបានប្រើសម្រាប់ឧបករណ៍វេជ្ជសាស្ត្រ ឬសេវាកម្មសុខភាពហើយនឹងរួមបញ្ចូលជំនាញ ផងដែរ។
គួរឲ្យដឹងថា វីរុសកូរ៉ូណាដែលបានផ្ទុះឡើងក្នុងប្រទេសចិនកាលពីចុងឆ្នាំមុន បានសម្លាប់មនុស្សជាង ៣ពាន់នាក់ហើយទូទាំងពិភពលោកបើគិតមកទល់ពេលនេះ ខណៈដែលមនុស្សជាង ៩ម៉ឺននាក់ផ្សេងទៀតឆ្លងជំងឺ៕
