- 2018-03-17 04:35:11
- ព័ត៌មាន
ដំណឹងល្អ! កូរ៉េត្រូវការពលរដ្ឋខ្មែរជាង ៤ពាន់នាក់ ធ្វើការងារលើជំនាញដ៏សំខាន់មួយ
- 2018-03-17 04:35:11
- ចំនួនមតិ 0 | ចំនួនចែករំលែក 0
ដំណឹងល្អ! កូរ៉េត្រូវការពលរដ្ឋខ្មែរជាង ៤ពាន់នាក់ ធ្វើការងារលើជំនាញដ៏សំខាន់មួយ
ចន្លោះមិនឃើញ
ឯកឧត្តម អ៊ិត សំហេង រដ្ឋមន្រ្តីក្រសួងការងារនិងបណ្តុះបណ្តាលវិជ្ជាជីវៈ ប្រកាសថា នៅឆ្នាំ២០១៨នេះ កូរ៉េនឹងផ្តល់កូតាចំនួនប្រមាណជាង ៤ពាន់នាក់ លើវិស័យឧស្សាហកម្មបន្តទៀត។ ចំនួននេះមិនទាន់បានរាប់បញ្ចូលវិស័យកសិកម្ម និងសំណង់នៅឡើយទេ សម្រាប់ពលករកម្ពុជាទៅធ្វើការនៅទីនោះ ដោយចំនួននេះគឺប្រហាក់ប្រហែលនឹងឆ្នាំ២០១៧ហើយកម្ពុជានៅតែរក្សាបាននូវចំណាត់ថ្នាក់ល្អបើប្រៀបធៀបជាមួយនឹង១៦ប្រទេសផ្សេងទៀត។
ឯកឧត្តម បានលើកឡើងបែបនេះក្នុងជំនួបពិភាក្សាការងារ ជាមួយឯកឧត្តម OH NAK-YOUNG ឯកអគ្គរដ្ឋទូតនៃសាធារណកូរ៉េប្រចាំកម្ពុជា នាថ្ងៃទី១៦ ខែមីនា ឆ្នាំ២០១៨នេះ នៅទីស្តីការក្រសួង។
រដ្ឋមន្រ្តីក្រសួងការងារ ក៏បានស្នើទៅភាគីកូរ៉េបន្ថែម លើវិស័យសេវាកម្មសម្រាប់ពលករទៅធ្វើការនៅកូរ៉េ ថែមពីលើវិស័យឧស្សាហកម្ម កសិកម្ម និងសំណង់ ដែលមាននាបច្ចុប្បន្ន ប៉ុន្តែជាការឆ្លើយតបចំពោះបញ្ហានេះ ភាគីកូរ៉េសុំពេលពិចារណាផងដែរ ខណៈនៅកូរ៉េមិនទាន់បានគិតលើវិស័យនេះនៅឡើយទេ។
គួររំឭកថា ពលករខ្មែរស្របច្បាប់ និងមិនស្របច្បាប់ ធ្វើការនៅកូរ៉េទទួលបានប្រាក់ខែយ៉ាងតិច ១២០០ដុល្លារ ក្នុង១ខែ ហើយពួកគាត់តែងតែផ្ញើប្រាក់ទាំងនេះមកស្រុកកំណើតវិញ ក្នុងម្នាក់ៗ មិនតិចជាង៨០០ ទៅ ១០០០ដុល្លារឡើយ។ បើគិតពីតួលេខនេះ ចំនួនទឹកប្រាក់ដែលពលករខ្មែរត្រូវផ្ញើមកស្រុកកំណើត មានប្រមាណជាង ៣០០លានដុល្លារក្នុងមួយឆ្នាំ៕
