- 2018-06-01 03:45:01
- ព័ត៌មាន
រុស្ស៊ីអញ្ជើញលោក គីម ជុងអ៊ុន ទៅកាន់រដ្ឋធានីមូស្គូ
- 2018-06-01 03:45:01
- ចំនួនមតិ 0 | ចំនួនចែករំលែក 0
រុស្ស៊ីអញ្ជើញលោក គីម ជុងអ៊ុន ទៅកាន់រដ្ឋធានីមូស្គូ
ចន្លោះមិនឃើញ
មេដឹកនាំកូរ៉េខាងជើងលោក គីម ជុងអ៊ុន ត្រូវបានលោក Sergei Lavrov រដ្ឋមន្ត្រីក្រសួងការបរទេសរុស្ស៊ី អញ្ជើញទៅធ្វើទស្សនកិច្ចនៅក្នុងរដ្ឋធានីមូស្គូ។
ការអញ្ជើញនេះ ធ្វើឡើងនៅអំឡុងពេលដំណើរទស្សនកិច្ចរបស់លោក Sergei Lavrov នៅក្រុងព្យុងយ៉ាង កាលពីថ្ងៃទី៣០ ខែឧសភា ឆ្នាំ២០១៨។
ក្រៅពីការអញ្ជើញ លោករដ្ឋមន្ត្រីរុស្ស៊ី ក៏បាននាំសាររបស់លោកប្រធានាធិបតី វ៉្លាឌឺមៀ ពូទីន អំពីការជូនពរ និងកោតគោរពចំពោះការខ្នះខ្នែងរបស់លោក គីម ជុងអ៊ុន ពាក់ព័ន្ធនឹងបញ្ហានៅឧបទ្វីបកូរ៉េផងដែរ។ "មករុស្ស៊ីមក។ យើងច្បាស់ជារីករាយខ្លាំងណាស់ដែលនឹងបានជួបអ្នក (លោក គីម ជុងអ៊ុន)" នេះជាការថ្លែងរបស់លោក Sergei។
លោក Sergei ក៏បានបង្ហាញពីការគាំទ្រផងដែរទៅលើកិច្ចប្រឹងប្រែងរវាងកូរ៉េខាងជើង និងកូរ៉េខាងត្បូង ក្នុងរឿងបោះបង់ចោលនូវកម្មវិធីនុយក្លេអ៊ែរ ដែលបានធ្វើឡើងកាលពីខែមេសាកន្លងទៅ។
យ៉ាងណាមិញ លោកបន្តថា ទណ្ឌកម្មនៅលើកូរ៉េខាងជើងគួរតែកាត់បន្ថយ នៅអំឡុងពេលដែលកូរ៉េខាងជើងខំប្រឹងបង្កើតសន្តិភាពឡើងវិញ ខុសពីដំណោះស្រាយរបស់សហរដ្ឋអាមេរិកដែលបន្តដាក់ទណ្ឌកម្មនៅលើកូរ៉េខាងជើងដដែល៕
