- 2018-06-04 02:31:27
- ព័ត៌មាន
ប្រធានាធិបតីស៊ីរី គ្រោងទៅជួប គីម ជុងអ៊ុន ដល់កូរ៉េខាងជើង
- 2018-06-04 02:31:27
- ចំនួនមតិ 0 | ចំនួនចែករំលែក 0
ប្រធានាធិបតីស៊ីរី គ្រោងទៅជួប គីម ជុងអ៊ុន ដល់កូរ៉េខាងជើង
ចន្លោះមិនឃើញ
ទីភ្នាក់ងារព័ត៌មានរដ្ឋរបស់កូរ៉េខាងជើង បានឲ្យដឹងថា ប្រធានាធិបតីស៊ីរី លោក បាសារ អាល់អាសាដ គ្រោងនឹងធ្វើទស្សនកិច្ចផ្លូវរដ្ឋទៅកាន់កូរ៉េខាងជើង។
វានឹងក្លាយជាលើកដំបូងបង្អស់សម្រាប់មេដឹកនាំកូរ៉េខាងជើង គីម ជុងអ៊ុន ដែលត្រូវធ្វើជាម្ចាស់ផ្ទះសម្រាប់ប្រមុខរដ្ឋ ចាប់តាំងពីបានទទួលអំណាចកាលពីឆ្នាំ២០១១ មក។
គួរបញ្ជាក់ថា មួយរយៈពេលចុងក្រោយនេះ មេដឹកនាំផ្ដាច់ការ គីម ជុងអ៊ុន បានធ្វើសកម្មភាពផ្នែកការទូតជាច្រើន ដូចជា ជួបជាមួយប្រធានាធិបតីចិន កាលពីខែឧសភា ហើយកំពុងរំពឹងចូលរួមកិច្ចប្រជុំកំពូល ជាមួយប្រធានាធិបតីអាមេរិក នាខែមិថុនានេះទៀតផង។
គួររំលឹកឲ្យដឹងផងដែរថា ប្រទេសស៊ីរី និង កូរ៉េខាងជើង ធ្លាប់ត្រូវបានគេចោទប្រកាន់ថា សហការគ្នាផលិតអាវុធគីមី ប៉ុន្តែប្រទេសទាំងពីរបានបដិសេធការចោទប្រកាន់នេះវិញ។
ទោះបីជាយ៉ាងណា ភ្នាក់ងារព័ត៌មាន KCNA របស់កូរ៉េខាងជើង មិនបានបញ្ជាក់ពីកាលបរិច្ឆេទនៃដំណើរទស្សនកិច្ច ដែលត្រូវបានលើកឡើងនេះឡើយ។
ភ្នាក់ងារព័ត៌មាន KCNA បានស្រង់សំដីលោក អាសាដ និយាយកាលពីថ្ងៃពុធសប្ដាហ៍មុនថា «ខ្ញុំនឹងទៅទស្សនកិច្ចកូរ៉េខាងជើង និង ជួបលោក គីម ជុងអ៊ុន»៕
