- 2018-07-03 09:00:00
- សេដ្ឋកិច្ច
ក្រោយអប់រំ ក្រសួងនឹងពិន័យ ឬបិទការដ្ឋានសំណង់ចោល ករណីល្មើសធ្ងន់ធ្ងរ
- 2018-07-03 09:00:00
- ចំនួនមតិ 0 | ចំនួនចែករំលែក 0
ក្រោយអប់រំ ក្រសួងនឹងពិន័យ ឬបិទការដ្ឋានសំណង់ចោល ករណីល្មើសធ្ងន់ធ្ងរ
ចន្លោះមិនឃើញ
ថ្មីៗនេះ ក្រសួងរៀបចំដែនដី នគរូបនីយកម្ម និងសំណង់ និងសមាគមអ្នកសាងសង់កម្ពុជា បានរៀបចំ សៀវភៅ១ ក្នុងយុទ្ធនាការអប់រំសុវត្ថិភាពការដ្ឋានសំណង់ ដើម្បីបង្ការគ្រោះថ្នាក់ចៃដន់នានា។
បន្ទាប់ពីយុទ្ធនាការនេះ ក្រសួងបានប្រកាសព្រមានបិទការដ្ឋានសំណង់ណា ដែលមិនគោរព ឬល្មើសធ្ងន់ធ្ងរ នឹងវិធានសុវត្ថិភាព។
រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ ឯកឧត្ដម ជា សុផារ៉ា បានធ្លាប់បានថ្លែងថា ក្រុមហ៊ុនសំណង់និងស្ថាបត្យកម្ម រួមទាំងក្រុមកម្មករសំណង់ ត្រូវតម្រូវឲ្យចុះបញ្ជីអាជីវកម្ម របស់ខ្លួនស្របតាមច្បាប់ជាធរមាន។
ឯកឧត្ដមបន្តថា ចាំបាច់ត្រូវរៀបចំ និងថែទាំការដ្ឋានសំណង់ រួមទាំងអនាម័យផ្លូវសាធារណៈ ជាពិសេសការដឹកជញ្ជូនបេតុង និងសម្ភារសំណង់ផ្សេងៗ នៅលើផ្លូវសាធារណៈ។ ការដ្ឋានសំណង់ទាំងអស់ត្រូវតែបំពាក់នូវបរិក្ខារ និងឧបករណ៍ ដើម្បីការពារសុវត្ថិភាព និងសុខភាពរបស់កម្មករ។
លោក ជីវ ស៊ីវផេង ប្រធាននាយកដ្ឋានស្រាវជ្រាវបច្ចេកទេសសំណង់ នៃក្រសួងរៀបចំដែនដី នគរូបនីយកម្ម និងសំណង់ ឲ្យដឹងថា ការអប់រំនេះ មិនមែនចំពោះតែកម្មករទេ ប៉ុន្តែគឺអប់រំដល់អ្នកពាក់ព័ន្ធទាំងអស់ដូចជា ម្ចាស់អាជីវកម្ម ក៏ដូចជាមន្ត្រីរាជការពាក់ព័ន្ធ ដើម្បីចូលរួមក្នុងការកាត់បន្ថយគ្រោះថ្នាក់អាចកើតឡើង ក្នុងការដ្ឋានសំណង់។
លោក ឈីវ បូរម្យ ប្រធានគ្រប់គ្រងរដ្ឋបាល នៃសមាគមអ្នកសាងសង់កម្ពុជា បានប្រាប់ថា អាជ្ញាធរគ្រោង និងដៃគូសហការ នឹងបោះពុម្ពផ្សាយសៀវភៅនេះរាប់ពាន់ក្បាល សម្រាប់ចែកជូនក្រុមហ៊ុនពាក់ព័ន្ធនឹងការសាងសង់នៅទូទាំងប្រទេស។
ក្នុងនោះសមាគមអ្នកសាងសង់កម្ពុជាដែលមានក្រុមហ៊ុនសំណង់ជាង ១០០ ជាសមាជិកបានចូលរួម។
សូមបញ្ជាក់ថា បន្ទាប់ពីដំណាក់ការចុះអប់រំនេះ ចាប់ពីដំណាច់ឆ្នាំ២០១៨នេះ ក្រសួងនឹងចាប់ផ្ដើមចុះត្រួតពិនិត្យតាមការដ្ឋានសាងសង់ ប្រសិនបើកន្លែងណាដែលមិនគោរពតាម វិធានការសុវត្ថិភាពណាមួយ នឹងត្រូវពិន័យ។
ករណីមានគ្រោះថ្នាក់ធ្ងន់ធ្ងរ គឺក្រសួងអាចនឹងបញ្ជាឱ្យបិទការដ្ឋានតែម្ដង។
