- 2018-10-16 03:26:11
- ព័ត៌មាន
នឹកស្មានមិនដល់! បុរសក្រីក្រគ្មានគោលដៅ ក្លាយជាអ្នកមាន ក្រោយចិញ្ចឹមឆ្កែមួយក្បាល
- 2018-10-16 03:26:11
- ចំនួនមតិ 0 | ចំនួនចែករំលែក 0
នឹកស្មានមិនដល់! បុរសក្រីក្រគ្មានគោលដៅ ក្លាយជាអ្នកមាន ក្រោយចិញ្ចឹមឆ្កែមួយក្បាល
ចន្លោះមិនឃើញ
បុរសជនជាតិចិន វ័យ៣១ឆ្នាំម្នាក់ មានឈ្មោះថា Zhou Tianxiao បានរស់នៅជាមួយជីដូន កាលពី៤ឆ្នាំមុន និងគ្មានការងារធ្វើឡើយ។ ផ្ទុយទៅវិញ លោក Zhou អាចទទួលបានជោគជ័យយ៉ាងធំធេង ក្រោយចិញ្ចឹមសត្វឆ្កែមួយក្បាល ឈ្មោះ Sylar។
នៅក្នុងកិច្ចសម្ភាសន៍មួយ លោក Zhou បានបង្ហាញឲ្យដឹងថា គ្រួសាររបស់លោកបានលែងលះគ្នា តាំងពីពេលលោកនៅក្មេងម្ល៉េះ។ ក្រោយមក លោកបានក្លាយជាក្មេងមិនស្ដាប់បង្គាប់ ហើយចំណាយពេលលេងហ្គេម ផឹកស៊ី និង វាយតប់គ្នាប៉ុណ្ណោះ អស់រយៈពេលជាង ១០ឆ្នាំ។ នៅពេលដែល លោក Zhou មិនអាចរកសុភមង្គលនៅក្នុងហ្គេមបាន លោកក៏ងាកមករកមិត្តស្មោះស្ម័គ្រវិញតែម្ដង។
លោក Zhou បាននិយាយថា «ខ្ញុំឮថាសត្វឆ្កែគឺស្មោះត្រង់ណាស់ បើទោះបីជាម្ចាស់វាក្រ ក៏វាមិនទៅណាចោលដែរ ដូច្នេះហើយទើបខ្ញុំសម្រេចចិត្តចិញ្ចឹមសត្វឆ្កែ»។ នៅពេលនោះ លោកចាប់ផ្ដើមទទួលបានសេចក្ដីស្រលាញ់ ដែលខ្លួនបានបាត់បង់កាលពីកុមារភាព បន្ទាប់ពីបានចិញ្ចឹម Sylar។ លោក Zhou ចាត់ទុកវាដូចជាសមាជិកគ្រួសារ ជាជាងសត្វចិញ្ចឹម។
ក្រោយមក បុរសរូបនេះបានបង្ហាត់បង្រៀន Sylar ដោយមើលតាមវីដេអូ YouTube របស់អ្នកបង្វឹកសត្វឆ្កែអាជីព។ លោក Zhou អាចបង្រៀន Sylar ឲ្យចេះពីកាយវិការមួយចំនួន ដូចជា ទះដៃ (high-five) , ធ្វើពុតជាងាប់ , ដើរដូចមនុស្ស និង លោតរំលងតុ ជាដើម។
លោក Zhou ក៏បានបែកគំនិតថតវីដេអូរបស់ Sylar រួចបង្ហោះលើបណ្ដាញអ៊ីនធឺណិត។ មិនយូរប៉ុន្មាន វីដេអូរបស់ Sylar បានទទួលការចាប់អារម្មណ៍ខ្លាំង ហើយវាក៏បានក្លាយជាតារាអនឡាញ ដោយមានអ្នកគាំទ្ររាប់ពាន់នាក់ និងទទួលបានការចូលមើលរាប់លានដងទៀតផង នៅលើបណ្តាញសង្គម។
កេរ្តិ៍ឈ្មោះល្បីល្បាញរបស់ Sylar បានជំរុញឲ្យលោក Zhou បើកហាងលក់ចំណីឆ្កែ និង ហាងលក់ប្រដាប់ក្មេងលេង នៅលើគេហទំព័រលក់ទំនិញ Taobao ដ៏ល្បីរបស់ប្រទេសចិន។ បន្ទាប់ពីទទួលបានជោគជ័យ ឥឡូវនេះ លោក Zhou បានចំណាយលុយរហូតដល់ទៅ ៥សែនដុល្លារ ដើម្បីសាងសង់ផ្ទះវិឡាដ៏ធំស្កឹមស្កៃឲ្យ Sylar៕
ចុចអាន៖