• 2018-11-05 10:52:56
  • ព័ត៌មាន

អ្នកភ្នំពេញភាគច្រើន មិនស្គាល់ឈ្មោះផ្លូវមុខវាំងធ្លាប់ដើរបាចចំណីព្រាប

  • 2018-11-05 10:52:56
  • ចំនួនមតិ 0 | ចំនួនចែករំលែក 0

ចន្លោះមិនឃើញ

ស្រប​ពេល​ពិធី​បុណ្យ​អុំទូក​ អកអំបុក​ សំពះ​ព្រះខែ ដែល​ប្រារព្ធ​ព្រឹត្តិការណ៍​នៅ​​រាជធានី​ភ្នំពេញ​ នឹង​​រំកិល​ជិត​មក​ដល់​ខាងមុខ ​ខណៈ​ពេល​នេះ​មន្ទីរ​សាធារណការ​រាជធានី​ភ្នំពេញ​ បាន​ស្ទុះ​ស្ទា​រៀប​ចំ​សណ្ដាប់ធ្នាប់​នៅ​កន្លែង​សំខាន់ៗ​ ជាពិសេស​នោះ​នៅ​រសៀល​ថ្ងៃ​ទី​ ៥ វិច្ឆិកា​នេះ ក្រុមការងារ​បាន​លាប​ពណ៌​ផ្លូវ​ដ៏​សំខាន់​​នៅ​មុខ​បរម​ព្រះ​រាជវាំង។ ​ដោយឡែក​ប្រិយមិត្ត​ដឹង​ទេ​ ផ្លូវ​មួយ​ខ្សែ​នេះ ជា​ផ្លូវ​ដែល​ប្រជាជន​ភ្នំពេញ ​តែង​តែ​ទៅ​បាច​ ឬ​ឲ្យ​ចំណី​សត្វ​ព្រាប​ នៅ​មុខ​​ព្រះ​រាជវាំង​ មាន​ឈ្មោះ​អ្វី​?

​ផ្លូវ​មួយ​ខ្សែ​នេះ​ មាន​ឈ្មោះ​ថា ផ្លូវ​ទ្វារ​ជ័យ ជា​ផ្លូវ​សម្រាប់ ​ព្រះ​ករុណា​ ព្រះ​មហាក្សត្រ​តែ​ង​យាង​ចេញ​ចូល​ព្រះ​រាជវាំង ឆ្ពោះទៅមាត់​ទន្លេ ​សម្រាប់​ព្រះ​រាជ​ដំណើរ​របស់​ព្រះ​អង្គ យាង​ចូល​រួម​ព្រះ​រាជ​ពិធី​អបអរសាទរ​ បុណ្យ​អុំទូកនា​ថ្ងៃ​ទី​ ២១ ២២ និង ២៣​ វិច្ឆិកា ២០១៨ នេះ។​​​​​​​​

រូបភាព៖ ​មន្ទីរ​សាធារណការ​រាជធានី​ភ្នំពេញ​ ​ ​​​​​​

អត្ថបទ៖ ស៊ិន សាវ៉េត

មតិយោបល់