- 2018-11-28 07:02:00
- ព័ត៌មាន
ត្រៀមកក្រើកសាជាថ្មី! មហោស្រពរូបថតអង្គរប្រចាំឆ្នាំ «Angkor Photo Festival & Workshops» នឹងមកដល់ឆាប់ៗនេះ
- 2018-11-28 07:02:00
- ចំនួនមតិ 0 | ចំនួនចែករំលែក 0
ត្រៀមកក្រើកសាជាថ្មី! មហោស្រពរូបថតអង្គរប្រចាំឆ្នាំ «Angkor Photo Festival & Workshops» នឹងមកដល់ឆាប់ៗនេះ
ចន្លោះមិនឃើញ
នៅក្នុងខែធ្នូនេះ កម្មវិធីមហោស្រពរូបថតអង្គរប្រចាំឆ្នាំ «Angkor Photo Festival & Workshops» នឹងត្រឡប់មកវិញសម្រាប់ឆ្នាំទី១៤ នៅក្នុងទឹកដីខេត្តសៀមរាប ដើម្បីបង្ហាញពីសមត្ថភាពអ្នកថតរូបជាង ១០០នាក់មកពី ៤០ប្រទេស។ មិនថាអ្នកជាអ្នកថតរូប ឬស្រលាញ់ការថតរូបនោះទេ កម្មវិធីទាំងមូល គឺឥតគិតថ្លៃ និងបើកចំហសម្រាប់ឲ្យចូលរួមទាំងអស់គ្នាតែម្ដង។
មហោស្រពរូបថតអង្គរប្រចាំឆ្នាំ ដែលជាកម្មវិធីថតរូបអន្តរជាតិមានដំណើរការយូរបំផុតនៅអាស៊ីអាគ្នេយ៍នេះ មានលក្ខណៈពិសេសតែមួយគត់នៅក្នុងបេសកកម្មរបស់ខ្លួន ដើម្បីគាំទ្រ និងបង្ហាញពីទេពកោសល្យរូបថតអាស៊ី ហើយជាការជួបជុំប្រចាំឆ្នាំទៀតផង។
កម្មវិធីនេះចាប់ផ្ដើមជាមួយនឹងសិក្ខាសាលា ដែលមានជំនាញវិជ្ជាជីវៈ សម្រាប់អ្នកថតរូបអាស៊ីចំនួន ៣០រូប ដែលក្នុងនោះមាន ៣រូបមកពីប្រទេសកម្ពុជា។ អ្នកថតរូបដែលមានជំនាញវិជ្ជាជីវៈ និងទេពកោសល្យលេចធ្លោ ល្បីល្បាញលើពិភពលោកទាំងនោះ នឹងបង្កើត Photo Story មួយ នៅក្នុងខេត្តសៀមរាប ដែលនឹងត្រូវយកទៅបង្ហាញនៅរាត្រីបិទកម្មវិធី។
ប៉ុន្មានឆ្នាំមកនេះ ការងារជាច្រើនដែលផលិតដោយអ្នកចូលរួមបានរីកធំយ៉ាងឆាប់រហ័ស ចាប់ពីការងារបែប Documentary រហូតដល់ Personal Explorations និងទម្រង់ថ្មីនៃការនិទានរឿង (Storytelling) ដែលប្រកបដោយការច្នៃប្រឌិត។ គម្រោងរបស់ពួកគេនឹងធ្វើឲ្យអ្នកមើលឃើញខេត្តសៀមរាប តាមរបៀបដែលអ្នកមិនធ្លាប់បានឃើញពីមុន។
កម្មវិធីពិព័រណ៍សាធារណៈនឹងចាប់ផ្ដើមចាប់ពីថ្ងៃទី៨ ខែធ្នូ ឆ្នាំ២០៨។ ជាមួយនឹងការតាំងពិព័រណ៍នៅមាត់ទន្លេសៀមរាប និងទីតាំងដទៃទៀត ដោយអ្នកអាចចំណាយពេលខ្លះដើម្បីរីករាយនឹងទេសភាពមាត់ទន្លេ និងមើលពីស្នាដៃផ្សេងៗ។ ជាមួយគ្នានេះ សូមកុំខកខានការតាំងពិព័រណ៍ចល័ត ដែលនឹងធ្វើដំណើរជុំវិញខេត្តសៀមរាបតាមម៉ូតូរ៉ឺម៉កកង់បីផងដែរ។
ការតាំងពិព័រណ៍ (គ្រប់កម្មវិធីទាំងអស់សុទ្ធតែបើកឲ្យគ្រប់គ្នាចូលដោយឥតគិតថ្លៃ)
“Dalit, a Quest for Dignity” by Nepal Picture Library (Venue: Riverside)
”The Golden City of Boten” by Ore Huiying (Venue: Riverside)
“The Architect’s Brother” by Shana & Robert Parkeharrison (Venue: One Eleven Gallery)
“What Has Happened Here” by Choun Sopheaph for Meta House (Venue: Cambodia Living Arts Heritage Hub, Wat Bo Pagoda)
“2018 World Press Photo Exhibition” (Venue: Mirage Contemporary Art Space and Cafe, Koulen Hotel)
“Dancing in Site II” by Sharon May (Mobile tuk-tuk exhibition)
កម្មវិធីចាក់បញ្ចាំងស្នាដៃនាពេលល្ងាច
១៤ ធ្នូ ៖ “Growing with Photography” Curated by Françoise Callier (Belgium) (Venue: Khema)
១៥ ធ្នូ ៖ “Contemporary Chinese Photography” Curated by Wang Xi (China) (Venue: Bambu Stage)
១៦ ធ្នូ ៖ Children’s Day (Venue: Cambodia Living Arts Heritage Hub, Wat Bo Pagoda)
១៧ ធ្នូ ៖ “Revival” Curated by Kim Hak and Sophal Neak (Venue: Bambu Stage)
១៨ ធ្នូ ៖ “14th Angkor Photo Workshops Showcase” (Venue: My Cargo)