- 2018-11-30 04:00:00
- ព័ត៌មាន
កូនខ្មែរបើបានទៅកន្លែងនេះ ដូចដឹងថា ២៥ឆ្នាំកន្លង ក្រុមការងារ១ ធ្វើអ្វីខ្លះដើម្បីថែទាំអង្គរ
- 2018-11-30 04:00:00
- ចំនួនមតិ 0 | ចំនួនចែករំលែក 0
កូនខ្មែរបើបានទៅកន្លែងនេះ ដូចដឹងថា ២៥ឆ្នាំកន្លង ក្រុមការងារ១ ធ្វើអ្វីខ្លះដើម្បីថែទាំអង្គរ
ចន្លោះមិនឃើញ
អាជ្ញាធរជាតិអប្សរា បានបើកពិព័រណ៍រូបភាពដាក់តាំងបង្ហាញពីសកម្មភាព និងសមិទ្ធផលសំខាន់ៗ រយៈពេល ២៥ឆ្នាំ ដែលគណៈកម្មាធិការអន្តរជាតិ ដើម្បីសម្របសម្រួលកិច្ចគាំពារ និងអភិវឌ្ឍន៍តំបន់រមណីយដ្ឋានប្រវត្តិសាស្ត្រអង្គរ ហៅកាត់ អាយ ស៊ី ស៊ី អង្គរ (ICC Angkor)។ ពិធីនេះរៀបចំនៅសួនច្បារ ជិតព្រះអង្គចេក ព្រះអង្គចម ខេត្តសៀមរាប។
ការដាក់តាំងបង្ហាញនេះ មានរយៈពេល ១៥ថ្ងៃ ចាប់ពីថ្ងៃ២៨ ខែវិច្ឆិកា ដល់ថ្ងៃទី១២ ខែធ្នូ ឆ្នាំ២០១៨។
លោក ឡុង កុសល អ្នកនាំពាក្យអាជ្ញាធរជាតិអប្សរា បានឱ្យដឹងថា ពិព័រណ៍រូបភាពបង្ហាញសមិទ្ធផលសំខាន់ៗនេះ ធ្វើឡើងក្នុងគោលបំណង អបអរសាទរ នៃការបង្កើតគណៈកម្មាធិការអន្តរជាតិ ដើម្បីសម្របសម្រួលកិច្ចគាំពារ និងអភិវឌ្ឍន៍រមណីយដ្ឋានអង្គរ (ICC Angkor) ក្នុងរយៈពេល២៥ឆ្នាំ ដែលចាប់ផ្ដើមតាំងពីឆ្នាំ១៩៩៣ ដល់ឆ្នាំ២០១៨នេះ។
ដូច្នេះភ្ញៀវទេសចរនឹងបានឃើញថា ក្រុមការងារគណៈកម្មាធិការ ICC Angkor ដែលបានខិតខំប្រឹងប្រែង និងយកចិត្តទុកដាក់ក្នុងការងារអភិរក្ស និងអភិវឌ្ឍន៍រមណីយដ្ឋានអង្គរ។
សូមបញ្ជាក់ថា រាជរដ្ឋាភិបាលកម្ពុជា គ្រោងនឹងធ្វើពិធីអបអរសាទរខួប២៥ឆ្នាំ នៃការបង្កើតគណៈកម្មាធិការអន្តរជាតិ ដើម្បីសម្របសម្រួលកិច្ចគាំពារ និងអភិវឌ្ឍន៍រមណីយដ្ឋានអង្គរ ហៅកាត់ថា ICC Angkor នៅថ្ងៃទី៤-៥ ខែធ្នូ ឆ្នាំ២០១៨ខាងមុខនេះ។
កម្មវិធីនេះនឹងប្រព្រឹត្តទៅក្រោមព្រះរាជាធិបតីភាពដ៏ខ្ពង់ខ្ពស់បំផុតរបស់ព្រះមហាក្សត្រ សម្ដេចព្រះបរមនាថនរោត្ដម សីហមុនី និងសម្ដេចនាយករដ្ឋមន្ត្រី ហ៊ុន សែន និងអគ្គ នាយិកាអង្គការ យូណេស្កូ រួមជាមួយអ្នកជំនាញអន្តរជាតិជាច្រើនផងដែរ។
ពិធីអបអរសាទរខួប ២៥ឆ្នាំ នេះ ក៏នឹងបង្ហាញពីមោទកភាពរបស់ព្រះរាជាណាចក្រកម្ពុជា ដែលសម្បូរបែបទៅដោយវប្បធម៌ និងមានប្រវត្តិសាស្ត្រយូរលង់មកហើយ និងដើម្បីបណ្ដុះស្មារតីយុវជន និងប្រជាពលរដ្ឋខ្មែរឱ្យចេះស្រឡាញ់ ចូលរួមថែរក្សាបេតិកភណ្ឌ វប្បធម៌ ទំនៀមទម្លាប់ប្រពៃណីផូរផង់របស់ខ្មែរឱ្យបានគង់វង្ស៕