ជួយបន្តផង! ក្រសួងកិច្ចការនារី ចេញប្រកាសបន្ទាន់ រកនារីសង្ស័យរងអំពើហិង្សាក្នុងគ្រួសារនាថ្ងៃឆ្លងឆ្នាំ

2019-01-03 13:37:18
ព័ត៌មាន

2019-01-03 13:37:18
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រសួងកិច្ចការនារី នៅប្រមាណ២ម៉ោងមុននេះ បានចេញសេចក្ដីប្រកាសរកស្ត្រីកូនខ្ចីម្នាក់ ដែលលេចមុខលើបណ្ដាញសង្គមកាលពីប៉ុន្មានថ្ងៃមុន ក្នុងសភាពមានឈាមហូរដាបខ្លួនជាមួយកូនតូចម្នាក់។ សេចក្ដីប្រកាសនេះ ដើម្បីឈានទៅអន្តរាគមន៍ បើសិនរកឃើញថាអ្វីដែលស្ត្រីរូបនេះ បាននិយាយលើបណ្ដាញសង្គមជាការពិត។

ក្រសួងកិច្ចការនារី ចេញសេចក្ដីប្រកាសនៅលើទំព័រហ្វេសប៊ុកផ្លូវការរបស់ខ្លួនថា៖ "សូមបងប្អូនណាដែលបានស្គាល់ ហើយដឹងច្បាស់ថា ស្រ្តីដូចរូបខាងលើនេះ ជាជនរងគ្រោះដោយអំពើហិង្សាក្នុងគ្រួសារពិតប្រាកដមែន សូមមេត្តាផ្តល់ព័ត៌មានមកក្រសួងកិច្ចការនារីតាមទំព័រ Facebook នេះ ដើម្បីឱ្យក្រុមការងារក្រសួងកិច្ចការនារី អាចខិតខំស្វែងរកកិច្ចអន្តរាគមន៍ជួយស្រ្តីរងគ្រោះ បានទាន់ពេលវេលា"។

នៅមុននេះ គេបានឃើញស្ត្រីខាងលើ ដែលមិនទាន់ដឹងឈ្មោះអ្វីបានបង្ហាញខ្លួនគួរឲ្យតក់ស្លុត ដោយមានឈាមហូរជោគខ្លួន។ គណនីមួយដែលមានរូបខាងលើ បញ្ជាក់ថា នាងរងអំពើហិង្សាពីស្វាមី ខណៈស្វាមីរូបនោះបានទៅមានស្រីថ្មីទៅហើយ។ នារីពោលថា បើបានជាទៅហើយ នៅមកធ្វើបាប វាយនាង និងកូនតូចធ្វើអីទៀត។ ឃ្លាដែលគួរឲ្យអាសូរចុងក្រោយនោះ នារីពោលថា "កូនម៉ាក់ កូនកុំកើតអីឲ្យសោះណា ចាំម៉ាក់យកកូនទៅពេទ្យឥឡូវ"៕

ចូលទៅកាន់ទំព័រហ្វេសប៊ុករបស់ ក្រសួងកិច្ចការនារី សូមចុចទីនេះ!!!

អត្ថបទ៖ ទារិកា