អ៊ីរ៉ង់គំរាមលប់បំបាត់អ៊ីស្រាអែលចេញពីផែនទីពិភពលោក បើសិនហ៊ានបង្កើតសង្គ្រាម

2019-01-29 03:13:24
ព័ត៌មាន

2019-01-29 03:13:24
ចំនួនមតិ 0 | ចំនួនចែករំលែក 0

ចន្លោះមិនឃើញ

មេបញ្ជាការបដិវត្តជាន់ខ្ពស់មួយរូបរបស់អ៊ីរ៉ង់ គំរាមកម្ទេចអ៊ីស្រាអែលចោលទាំងស្រុងប្រសិនបើប្រទេសនេះប៉ុនប៉ងបង្កើតសង្គ្រាមមកលើអ៊ីរ៉ង់។

លោកមេបញ្ជាការ Hossein Salami បានចេញមុខគំរាមថា ការវាយប្រហារណាមួយធ្វើឡើងដោយអ៊ីស្រាអែលមកលើអ៊ីរ៉ង់ នឹងធ្វើឲ្យអ៊ីស្រាអែលរលាយសាបសូន្យទៅវិញនោះទេ។ លោក Salami បានថ្លែងយ៉ាងដូច្នេះក្រោយពីអ៊ីស្រាអែលទម្លាក់គ្រាប់បែកសម្លាប់មនុស្ស ១១នាក់មកលើមូលដ្ឋានទ័ពអ៊ីរ៉ង់ក្នុងប្រទេសស៊ីរី។ ការទម្លាក់គ្រាប់បែកនេះ ត្រូវបានអ៊ីស្រាអែលនិយាយថាខ្លួនបង្ខំចិត្តធ្វើវាដើម្បីបាញ់ស្ទាក់មីស៊ីលដែលហោះមកលើតំបន់របស់ខ្លួនក្នុងប្រទេសស៊ីរី។

ជាមួយគ្នាដែរ មេដឹកនាំបក្ស Hezbollah គឺលោក Hassan Nasrallah ក៏បានធ្វើការគំរាមកំហែងអ៊ីស្រាអែលចំពោះការវាយប្រហារក្នុងប្រទេសស៊ីរីដែលអាចឈានដល់ការបង្កសង្គ្រាមក្នុងតំបន់។ លោក Nasrallah ថ្លែងទៅកាន់ទូរទស្សន៍ Al-Mayadeen ថាអ៊ីរ៉ង់, ស៊ីរី និង Hezbollah អាចសម្រេចចិត្តចាត់ការអ៊ីស្រាអែលបានគ្រប់ពេលវេលា ហើយលោកនិយាយទៅកាន់នាយករដ្ឋមន្ត្រីអ៊ីស្រាអែលលោក Benjamin Netanyah ថា "សូមប្រយ័ត្នខ្លួន ហើយកុំបន្ដធ្វើអ្វីដែលអ្នកកំពុងធ្វើនៅស៊ីរីទៀត។”