- 2019-02-07 03:11:06
- ព័ត៌មាន
ទីបំផុត! អាមេរិកបង្ហើបគម្រោងចង់ទិញប្រព័ន្ធការពារមីស៊ីលរបស់អ៊ីស្រាអែល
- 2019-02-07 03:11:06
- ចំនួនមតិ 0 | ចំនួនចែករំលែក 0
ទីបំផុត! អាមេរិកបង្ហើបគម្រោងចង់ទិញប្រព័ន្ធការពារមីស៊ីលរបស់អ៊ីស្រាអែល
ចន្លោះមិនឃើញ
កងទ័ពរបស់សហរដ្ឋអាមេរិក បានបង្ហាញគម្រោងរបស់ខ្លួនថានឹងទិញប្រព័ន្ធការពារមីស៊ីល Iron Dome របស់រដ្ឋាភិបាលប្រទេសអ៊ីស្រាអែលដើម្បីធ្វើការសាកល្បង។
យោងតាមក្រួសងការពារជាតិអាមេរិកឲ្យដឹងក្នុងសេចក្ដីថ្លែងការណ៍មួយថា យោធាអាមេរិកនឹងប្រើប្រព័ន្ធការពារនេះក្នុងការសាកល្បងជាប្រចាំ ហើយវានឹងបម្រើតម្រូវការយូរអង្វែងរបស់អាមេរិក។ ជាការឆ្លើយតប នាយករដ្ឋមន្ត្រីអ៊ីស្រាអែលលោក Benjamin Netanyahu បានហៅការលក់ប្រព័ន្ធការពារនេះថាជាសមិទ្ធផលដ៏អស្ចារ្យសម្រាប់ប្រទេសរបស់ខ្លួន។ លោក Benjamin បន្ថែមថា "នេះបង្ហាញឲ្យឃើញពីចំណងមិត្តភាពកាន់តែរឹងមាំរបស់យើងជាមួយអាមេរិក ហើយជាការបង្ហាញពីស្ថានភាពដែលកំពុងតែកើនឡើងរបស់អ៊ីស្រាអែលនៅក្នុងពិភពលោក។”
គួរឲ្យដឹងថា ប្រព័ន្ធការពារមីស៊ីល Iron Dome ត្រូវបានដាក់ឲ្យប្រើប្រាស់កាលពីឆ្នាំ ២០១១ដែលវាមានសមត្ថភាពខ្ពស់ក្នុងការការពារពីការវាយប្រហារផ្លូវអាកាសដែលអ៊ីស្រាអែលប្រើភាគច្រើនសម្រាប់បាញ់ស្ទាក់មីស៊ីលរបស់ក្រុមសកម្មប្រយុទ្ធប៉ាលេស្ទីនមកពីតំបន់កាហ្សា។ លើសពីនេះទៀត មន្ត្រីអ៊ីស្រាអែលអះអាងថា Iron Dome អាចធ្វើការបានគ្រប់ស្ថានភាពអាកាសធាតុ និងមានអត្រាការពារបានយ៉ាងជោគជ័យរហូតដល់ ៩០%៕
ចុចអាន ៖
