- 2019-03-27 01:55:26
- ព័ត៌មាន
ត្រឹមមួយខែដាច់ភ្លើង ២ដង ប្រជាជនវេណេហ្ស៊ុយអេឡាបង្ហាញការខឹងសម្បារយ៉ាងខ្លាំង
- 2019-03-27 01:55:26
- ចំនួនមតិ 0 | ចំនួនចែករំលែក 0
ត្រឹមមួយខែដាច់ភ្លើង ២ដង ប្រជាជនវេណេហ្ស៊ុយអេឡាបង្ហាញការខឹងសម្បារយ៉ាងខ្លាំង
ចន្លោះមិនឃើញ
អគ្គិសនីក្នុងប្រទេសវេណេហ្ស៊ុយអេឡា បានដាច់ជាថ្មីម្ដងទៀតកាលពីថ្ងៃចន្ទសប្ដាហ៍នេះបង្កឲ្យប្រជាជនផ្ទុះការខឹងសម្បារខ្លាំងដោយសារដាច់ភ្លើងទូទាំងប្រទេសពីរក្នុងរយៈពេលត្រឹមមួយខែ។
ការដាច់ភ្លើងនេះ ចាប់ផ្ដើមចេញពីរដ្ឋធានី Caracas កាលពីវេលាម៉ោង ១៧:២០នាទីល្ងាចដែលជាលំនៅឋានរបស់ប្រជាជនជាង ៦លាននាក់។ ប្រព័ន្ធទូរស័ព្ទ និងទូរទស្សន៍បានទទួលរងការប៉ះពាល់ខ្លាំង ខណៈដែលហាងទំនិញជាច្រើនប្រញាប់ប្រញាល់បិទទ្វារព្រោះខ្លាចមានចោរលួច។ នៅតាមផ្លូវនានាទូទាំងទីក្រុង គេសង្កេតឃើញប្រជាជនខឹងសម្បារដោយសារមិនមានដំណើរការស្ថានីយរថភ្លើងក្រោមដី ដែលពួកគេត្រូវបង្ខំចិត្តប្រជ្រៀតជិះឡានក្រុងដើម្បីធ្វើដំណើរទៅផ្ទះវិញក្រោយចប់ម៉ោងការងារ។
គួរឲ្យដឹងថា នេះជាលើកទីពីរហើយដែលមានការដាច់ភ្លើងក្នុងប្រទេសវេណេហ្ស៊ុយអេឡា ដោយការពីពីរសប្ដាហ៍មុនការដាច់ភ្លើងទូទាំងប្រទេសបានសម្លាប់អ្នកជំងឺជាច្រើននាក់នៅមន្ទីរពេទ្យផងដែរ៕