- 2019-04-20 07:19:59
- ព័ត៌មាន
ផ្ទះជាង៣០ខ្នងរងផលប៉ះពាល់ដោយសារខ្យល់កន្ត្រាក់កាលពីរសៀលម្សិលមិញ
- 2019-04-20 07:19:59
- ចំនួនមតិ 0 | ចំនួនចែករំលែក 0
ផ្ទះជាង៣០ខ្នងរងផលប៉ះពាល់ដោយសារខ្យល់កន្ត្រាក់កាលពីរសៀលម្សិលមិញ
ចន្លោះមិនឃើញ
របាយការណ៍ក្រសួងធនធានទឹកឲ្យដឹងថានៅរសៀលម្សិលមិញមានផ្ទះប្រជាពលរដ្ឋយ៉ាងហោចណាស់ជាង៣០ខ្នងរងការខូចខាតដោយសារខ្យល់កន្ត្រាក់។
ក្រសួងធនធានទឹកសរសេរលើទំព័រហ្វេសប៊ុករបស់ខ្លួនកាលពីម្សិលមិញថានៅឃុំរលាំងកែន ស្រុកកណ្ដាលស្ទឹង ខេត្តកណ្ដាល កាលពីម្សិលមិញពេលរសៀលមានភ្លៀងធ្លាក់កក់ខែ លាយឡំជាមួយខ្យល់កន្ត្រាក់ផងបានធ្វើឲ្យរបើកដំបូលផ្ទះប្រជាពលរដ្ឋចំនួន១១ខ្នង។
ដោយឡែកនៅរសៀលម្សិលមិញដូចគ្នា ក្រសួងថានៅឃុំលំពង់ ស្រុកបាទី ខេត្តតាកែវ ក៏មានខ្យល់កន្ត្រាក់ធ្វើឲ្យប៉ះពាល់ដល់ផ្ទះប្រជាពលរដ្ឋចំនួន២៣ខ្នង ដោយរបើកដំបូលក្បឿង និងស័ង្កសី តែមិនប៉ះពាល់ដល់អាយុជីវិតមនុស្សនោះទេ។
គួរបញ្ជាក់ថាស្របពេលដែលអាកាសធាតុក្ដៅនេះ ក្រសួងក៏ឲ្យដឹងដែរថាបាតុភូតខ្យល់កន្ត្រាក់ក៏នៅតែមានផងដែរ៕