- 2019-04-20 09:04:56
- ព័ត៌មាន
នារីបង់ក្លាដេសម្នាក់ត្រូវគេដុតសម្លាប់តាមបញ្ជានាយកសាលាយ៉ាងឃោរឃៅ
- 2019-04-20 09:04:56
- ចំនួនមតិ 0 | ចំនួនចែករំលែក 0
នារីបង់ក្លាដេសម្នាក់ត្រូវគេដុតសម្លាប់តាមបញ្ជានាយកសាលាយ៉ាងឃោរឃៅ
ចន្លោះមិនឃើញ
នារីម្នាក់ត្រូវបានគេដុតសម្លាប់នៅក្នុងប្រទេសបង់ក្លាដេសតាមបញ្ជារបស់នាយកសាលា ក្រោយពីនាងបានរាយការណ៍ពីការបៀតបៀនផ្លូវភេទរបស់នាង។ នេះបើតាមការចុះផ្សាយរបស់ទីភ្នាក់ងារព័ត៌មានបារាំង AFP កាលពីថ្ងៃសុក្រ។
Nusrat Jahan Rafi អាយុ ១៩ ឆ្នាំត្រូវបានគេបង្ខំឲ្យឡើងទៅដំបូលនៃ មហាវិទ្យាល័យអ៊ីស្លាម ជាកន្លែងដែលនាងត្រូវបានគេវាយប្រហារ ដោយស្នើឱ្យនាងដកពាក្យបណ្តឹងពីការបៀតបៀនខាងផ្លូវភេទ ដែលនាងបានដាក់ទៅប៉ូលីស។
នៅពេលដែលនាងបដិសេធ នាងត្រូវបានគេចាក់ប្រេងកាត និង ដុតសម្លាប់។ ប្រភពខាងលើបន្ត។
ប៉ូលីសបាននិយាយថាមនុស្សម្នាក់ក្នុងចំណោម១៧នាក់ដែលពាក់ព័ន្ធនឹងការស្លាប់របស់នាងគឺជានាយកសាលារបស់នាង។ ប៉ូលីសបាននិយាយថា នាយក "បានប្រាប់ពួកគេ ឲ្យដាក់សម្ពាធលើ Rafi ឲ្យដកពាក្យបណ្តឹង ឬ ក៏សម្លាប់ប្រសិនបើនាងបដិសេធ"។
យ៉ាងហោចណាស់មនុស្ស ៥ នាក់ក្នុងចំណោមអ្នកដែលត្រូវបានចាប់ខ្លួនរួមមានមិត្តរួមថ្នាក់របស់ Rafi ៣នាក់បានចងនាងជាមួយនឹងកន្សែងមុនពេលគេដុតនាង។
Rafi បានទៅប៉ូលីសកាលពីចុងខែមីនា ដើម្បីរាយការណ៍ពីការយាយីខាងផ្លូវភេទជាច្រើនដងមកលើរូបនាង ពីសំណាកនាយកសាលាឈ្មោះ Maulana Siraj Ud Doula ហើយបានប្រាប់នាងឲ្យរក្សាភាពស្ងៀមស្ងាត់។
មន្ត្រីប៉ូលីសបានថតវីដេអូដោយមិនសុំការអនុញ្ញាត នៅពេល Rafi ទៅដាក់ពាក្យបណ្តឹង ហើយព្រមទាំងបានចែករំលែកវានៅលើបណ្តាញសង្គមដែលជាសកម្មភាពខុសច្បាប់។ នៅក្នុងវីដេអូនោះគេឮប៉ូលីសមូលដ្ឋានដែលទទួលពាក្យបណ្តឹងរបស់នាងបានឆ្លើយថា "វាមិនមែនជារឿងធំទេ"។
Rafi បានរលាករហូតដល់ ៨០ ភាគរយនៃរាងកាយហើយបានស្លាប់នៅក្នុងមន្ទីរពេទ្យនៅថ្ងៃទី ១០ ខែមេសា។
ប៉ុន្តែនាងបានថតវីដេអូមួយមុនពេលដែលនាងបានស្លាប់ ដោយធ្វើការចោទប្រកាន់ប្រឆាំងនឹងនាយកសាលាដែលបានបៀតបៀនផ្លូវភេទលើរូបនាង៕
អាន៖ គំនិតទីក្រុងបណ្ដែតទឹករបស់ UN ឃើញប្លង់ហើយចង់ឲ្យមានឆាប់ៗ