- 2019-05-29 06:43:52
- ព័ត៌មាន
ភ្ញៀវទេសចរចិន ទាមទារឲ្យបុគ្គលិកព្រលានយន្ដហោះលុតជង្គង់សុំទោស ក្រោយជើងហោះហើរត្រូវពន្យារពេល (វីដេអូ)
- 2019-05-29 06:43:52
- ចំនួនមតិ 0 | ចំនួនចែករំលែក 0
ភ្ញៀវទេសចរចិន ទាមទារឲ្យបុគ្គលិកព្រលានយន្ដហោះលុតជង្គង់សុំទោស ក្រោយជើងហោះហើរត្រូវពន្យារពេល (វីដេអូ)
ចន្លោះមិនឃើញ
បុរសជាភ្ញៀវទេសចរជនជាតិចិនម្នាក់ ត្រូវបានគេរិះគន់យ៉ាងចាស់ដៃក្រោយពេលដែលរូបគេទាមទារឲ្យបុគ្គលិកព្រលានយន្ដហោះលុតជង្គង់សុំទោសបន្ទាប់ពីជើងហោះហើរត្រូវបានពន្យារពេល។
យោងតាមវីដេអូឃ្លីបដែលចែកចាយពេញបណ្ដាញសង្គមបង្ហាញថា បុរសជនជាតិចិនខាងលើ បានទាមទារឲ្យបុគ្គលិកលុតជង្គង់សុំទោស។ បុរសរូបនេះបាននិយាយនៅក្នុងវីដេអូថា "អ្នកឯងគួរតែលុតជង្គង់សុំទោសពួកយើង។” ចំណែកឯបុរសជាបុគ្គលិកបានឆ្លើយតបទៅវិញថា "ខ្ញុំគ្រាន់តែជាបុគ្គលិកម្នាក់ប៉ុណ្ណោះ ហើយខ្ញុំមានទំនួលខុសត្រូវរបស់ខ្ញុំ។ លោកមិនចាំបាច់មើលងាយខ្ញុំដល់ថ្នាក់នេះទេ។”
យ៉ាងណាមិញ បុរសជាភ្ញៀវទេសចរចិន នៅតែទាមទារម្ដងហើយម្ដងទៀតឲ្យបុគ្គលិកលុតជង្គង់ដោយអះអាងថារូបគេគួរតែតំណាងឲ្យក្រុមហ៊ុនហើយចេញមុខសុំទោស។ គួរឲ្យដឹងថា ហេតុការណ៍នេះ កើតឡើងនៅព្រលានយន្ដហោះអន្ដរជាតិ Zhengzhou Xinzheng កាលពីថ្ងៃសៅរ៍កន្លងទៅ ដោយជើងហោះហើរត្រូវពន្យារពេលដោយសារអាកាសធាតុមិនល្អ៕
សូមទស្សនាវីដេអូខាងក្រោម ៖
