យុវវ័យភាគច្រើនរិះគន់អ្នកហូបម្ហូបសាច់ឆ្កែ

2019-07-02 08:58:34
ព័ត៌មាន

2019-07-02 08:58:34
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមយុវវ័យបានបញ្ចេញទស្សនៈថា មនុស្សលោកមិនគួរសម្លាប់សត្វឆ្កែយកមកបរិភោគ ព្រោះថា ក្នុងចំណោមសត្វចិញ្ចឹមទាំងអស់ គឺមានតែសត្វសុនខនេះហើយ ដែលស្មោះត្រង់នឹងម្ចាស់ ស្រឡាញ់មិនចេះក្បត់ម្ចាស់ ទោះជាម្ចាស់វាធ្លាក់ខ្លួនពីមាន មកក្ររហាមក៏ដោយ ក៏វានៅតែស្រឡាញ់ម្ចាស់វារហូត។ ទស្សនៈនេះកើតមានបន្ទាប់ពីគេសង្កេតឃើញថា សាច់ឆ្កែ ឬ សាច់ពិសេសត្រូវបានគេដាក់ព្យួរលក់យ៉ាងសង្ហានៅតាមតូបហាងលក់គ្រឿងក្លែមមួយចំនួនជាហូរហែ បន្ទាប់ពីវាបានក្លាយទៅជាអាហារគួរអោយចាប់អារម្មណ៍ពីសំណាក់អ្នកចូលចិត្តទទួលទាន។

សូមចុចអាន៖ ៤សន្លឹកប្រចាំកាន់បិណ្ឌកុំថាដល់ព្រះសង្ឃសូម្បីឧបាសកក៏ក្ដៅសាច់ដុំភ្នែក

Dog-Meat-សាច់ឆ្កែ

កញ្ញា ម៉ាណែត រស់នៅក្នុងក្រុងព្រះសីហនុ និយាយថា មនុស្សមួយចំនួនចូលចិត្តញ៉ាំសាច់ឆ្កែព្រោះតែ ពួកគេគិតថា វាអាចព្យាបាលជំងឺ ប៉ូវកម្លាំង មានកម្ដៅក្នុងខ្លួន សម្រួលសរសៃស្ទក់ៗ អោយរស់រវើកឡើង សូម្បីតែដៃក៏រឹង ជើងក៏រឹង ជាពិសេសសាច់ឆ្កែខ្មៅ។ តែបើអ្នកមានមនោសញ្ចេតនាជាមួយសត្វឆ្កែ ពេលឃើញគេញ៉ាំវាបែបនេះមានអារម្មណ៍ថាខ្ពើម ហើយស្អប់ជាមិនខាន។

លោក ប្រុស អាយុ ២៣ ឆ្នាំ អតីតនិស្សិតសាកលវិទ្យាល័យភូមិន្ទភ្នំពេញបា្រប់ sabay ថា៖ "ខ្ញុំធ្លាប់បរិភោគសាច់ពិសេសនេះច្រើនលើកមកហើយកាលនៅពីតូច វាឆ្ងាញ់ដូចសាច់គោ តែឥលូវគ្រាន់តែនិយាយពីវាខ្ញុំឆ្អែតតែម្ដង មិនដឹងយ៉ាងម៉េច។ តែសាច់ហ្នឹងកម្រ ទាល់តែទៅទិញនៅកន្លែងផឹកស៊ីទើបមាន។

យុវជនអាយុ ១៩ ឆ្នាំ យុ ភារម្យ មានផ្ទះជិតហាងលក់សាច់ពិសេសនេះបានរៀបរាប់ថា៖ " អ្នកបរិភោគសាច់ឆ្កែខ្លះគេអួតថា ក្លែមជាមួយស្រាឆ្ងាញ់ ប៉ុន្តែអ្នកខ្លះកំពុងតែញ៉ាំៗសុខៗ គ្រាន់តែលឺថាសាច់ឆ្កែ ញាក់ក្រញាងខ្លួនតែម្ដង ដោយសារគេគិតថាឆ្កែគគ្រិច កខ្វក់ គ្មានអនាម័យ ខ្លាចមានមេរោគ។ ខ្លះមិនគិតអញ្ចឹងឡើយ គេគិតថាគេចង់បរិភោគអ្វីដែលប្លែក"។

សូមចុចអាន៖ សំដីក្មេងកំហូចមួយម៉ាត់ ធ្វើឲ្យយុវតីខ្មែរមួយរូបខូចចិត្ត១៥ឆ្នាំ!

Dog-Meat-សាច់ឆ្កែ(1)

“បរិភោគសាច់ឆ្កែអាចបង្កឲ្យឆ្លងជំងឺដែលមានគ្រោះថ្នាក់ខ្លាំងណាស់ រហូតដល់ស្លាប់ផងក៏មាន។ វាអាចឆ្លងជំងឺដង្កូវតេនញ៉ា អាឡែហ្ស៊ី ជំងឺហឺត ពិបាកដកដង្ហើម កន្ទួលសើស្បែក មានបញ្ហាសក់ ផ្សិតនៅជាប់សួត ដង្កូវប៉ារាសិតជាដើម។ ម្យ៉ាងទៀតនៅក្នុងទឹកមាត់របស់សត្វឆ្កែអាចបង្កឲ្យអ្នកហូបឆ្លងជំងឺឆ្កួត។ ម្ល៉ោះហើយការមិនបានចម្អិនឲ្យបានត្រឹមត្រូវអាចបង្កឲ្យមានជំងឺឆ្លងយ៉ាងសាហាវបំផុត" ។ ទាំងនេះជាការលើកឡើងពី លោក ហួត ម៉ឺន បុគ្គលិកបម្រើការនៅហត្ថាកសិករ។

លោក ហួត ម៉ឺន បាននិយាយបន្ថែមទៀតថា ចំពោះជនបរទេសភាគច្រើនបានចាត់ទុកសុនខ គឺជា សម្លាញ់ ឬសមាជិកគ្រួសារម្នាក់ ពួកគេពិតជាមិនអាចបរិភោគសាច់ពិសេសដែលជាជីវិតសត្វសំណព្វរបស់ ពួកគេឡើយ ហើយពូកគេនឹងមានអារម្មណ៍សោកសៅប្រសិនបើវាត្រូវបានគេយកទៅធ្វើអាហារ ។

ចុះអ្នកវិញ គិតថា អ្នកទទួលទានសាច់ឆ្កែឬសាច់ពិសេសជាមនុស្សដូចម្ដេចដែរ?

អត្ថបទ ៖ លឹម សុនា