- 2019-07-08 02:34:11
- ព័ត៌មាន
សួនអេកូធម្មជាតិមួយនៅចិន បង្ខំចិត្ដបិទទ្វារ ក្រោយភ្ញៀវសម្រុកបេះផ្កាឈូកអស់ពីបឹង (មានវីដេអូ)
- 2019-07-08 02:34:11
- ចំនួនមតិ 0 | ចំនួនចែករំលែក 0
សួនអេកូធម្មជាតិមួយនៅចិន បង្ខំចិត្ដបិទទ្វារ ក្រោយភ្ញៀវសម្រុកបេះផ្កាឈូកអស់ពីបឹង (មានវីដេអូ)
ចន្លោះមិនឃើញ
សួនអេកូធម្មជាតិមួយនៅប្រទេសចិន បានបង្ខំចិត្តបិទទ្វាររហូតដល់ចុងឆ្នាំនេះ ក្រោយពេលដែលភ្ញៀវរាប់រយនាក់នាំគ្នាសម្រុកទៅបេះផ្កាឈូកអស់ពីបឹង។
សួនអេកូធម្មជាតិ Longqiao ស្ថិតក្នុងខេត្តស៊ីឈាន់ មានទំហំជាង ២៥០ ០០០ម៉ែត្រការ៉េហើយមានភាពល្បីល្បាញឈ្មោះដោយសារបឹងផ្កាឈូករបស់ខ្លួន។ ប៉ុន្តែចាប់តាំងពីខែមីនាមក សួននេះបានបិទទ្វារបណ្ដោះអាសន្នសម្រាប់ការសាងសង់ប្រព័ន្ធទឹក។ យ៉ាងណាមិញ អំឡុងពេលសាងសង់នេះ មនុស្សរាប់រយនាក់នាំគ្នាសម្រុកចូលលួចបេះផ្កាឈូកស្ទើរអស់ពីក្នុងបឹង ដែលជាហេតុធ្វើឲ្យអ្នកគ្រប់គ្រងសួនបង្ខំចិត្តបិទទ្វាររហូតដល់ចុងឆ្នាំ។ ចំណែកឯបុគ្គលិកម្នាក់ឲ្យដឹងថា "យើងមិនអាចគ្រប់គ្រងភ្ញៀវទាំងនោះបានទេ។ យើងគ្រាន់តែអាចធានាថាយើងធ្វើការងាររបស់យើងបានល្អប៉ុណ្ណឹង។ យើងក៏បានដាក់ផ្លាកនៅជិតបឹង ហើយមានអ្នកយាមផងដែរ។”
មនុស្សប្រមាណជា ២០០-៣០០នាក់ ត្រូវបានជឿថាផ្លោះចូលទៅក្នុងសួនដើម្បីបេះផ្កាឈូក ហើយបង្ខំឲ្យអ្នកគ្រប់គ្រងបន្ថែមអ្នកយាមច្រើនជាងមុន។ ជាមួយគ្នា វីដេអូនិងរូបភាពនៃអ្នកចូលបេះផ្កាឈូកក្នុងសួន ត្រូវបានបង្ហោះទៅក្នុងបណ្ដាញសង្គមហើយទទួលការរិះគន់យ៉ាងចាស់ដៃពីអ្នកប្រើប្រាស់ផងដែរ៕
សូមទស្សនាវីដេអូខាងក្រោម ៖