យុវវ័យឆ្លាតវៃ ដោយចេះប្រៀបធៀបតម្លៃមុននឹងទិញវត្ថុអ្វីមួយ

2019-07-08 02:37:43
ព័ត៌មាន

2019-07-08 02:37:43
ចំនួនមតិ 0 | ចំនួនចែករំលែក 0

ចន្លោះមិនឃើញ

យុវវ័យបច្ចុប្បន្ននេះ ត្រូវបានគេមើលឃើញថា មានភាពឆ្លាតវៃច្រើនលើការទិញវត្ថុអ្វីមួយ ដោយយុវវ័យមួយចំនួននោះ បានស្វះស្វែងរកតម្លៃ និង គុណភាព មុននឹងឈានដល់ការទិញវាយកមកប្រើប្រាស់។

ភាពឆ្លាតវៃរបស់យុវវ័យ កើតមានស្របពេលដែលបច្ចេកវិទ្យាកំពុងរីកលូតលាស់ នៅក្នុងប្រទេសកំពុងអភិវឌ្ឍន៍មួយនេះ ដោយតម្លៃមួយចំនួនត្រូវបានដាក់បង្ហាញតាមរយៈគេហទំព័រ ខិត្តប័ណ្ណ ឬតាមរយៈការផ្សព្វផ្សាយផ្សេងទៀត។

សូមចុចអាន៖ កំពូលម្ហូបប្រចាំត្រកូល ៤ ប្រភេទ ឃើញភ្លាមនឹកដល់អនុស្សាវរីយ៍កាលគ្រាដាច់លុយ

សម្ភារៈមួយចំនួនដែលយុវវ័យមុននឹងទិញ គឺផ្ទៀងផ្ទាត់តម្លៃ និង គុណភាពតាម Online

"ខ្ញុំតែងតែតាមដានតម្លៃទំនិញតាមរយៈគេហទំព័រមួយចំនួន មុននឹងខ្ញុំសម្រេចចិត្តទិញអ្វីមួយ។ ជាក់ស្ដែងប៉ុន្មានថ្ងៃមុននេះខ្ញុំបានទិញទូរសព្ទ iPhone ប៉ុន្តែខ្ញុំបានផ្ទៀងផ្ទាត់តម្លៃតាមរយៈគេហទំព័រនានា ក្នុងនោះក៏មានគេហទំព័រ Sabay ផងដែរ"។ទាំងនេះជាការរៀបរាប់របស់ លោក លឹម ហេង ដែលជាបុគ្គលិកក្រុមហ៊ុនមួយក្នុងរាជធានីភ្នំពេញ។

បន្ថែមលើនេះ យុវជន ជំណារិន និស្សិតនៅសាកលវិទ្យាល័យន័រតុន បានបញ្ចេញទស្សនៈដែរថា ឥឡូវនេះការផ្សព្វផ្សាយពីតម្លៃសេវាកម្មនានា កាន់តែរីកដុះដាលដូចផ្សិតក្នុងរាជធានីភ្នំពេញ មានទាំងខិត្តប័ណ្ណ គេហទំព័រ និង ផ្សព្វផ្សាយតាមផ្ទាំងប៉ាណូផ្សេងៗនៅលើដងផ្លូវផងដែរ។ ទាំងនេះជាភាពងាយស្រួលដល់អ្នកចង់ទិញអ្វីមួយ ដោយពួកគេអាចផ្ទៀងផ្ទាត់តម្លៃផង និង ពិនិត្យគុណភាពជាដើម។ "ខ្ញុំគិតថា តារាងតម្លៃទូរសព្ទ ឬ កុំព្យូទ័រអីហ្នឹងសំបូរណាស់ គឺមានដាក់ទាំងតម្លៃ និងគុណសម្បត្តិរបស់ផលិតផលទៀត ដូច្នេះពិតជាងាយស្រួលណាស់សម្រាប់អ្នកចង់ទិញ។

តែទោះជាយ៉ាងណាក៏ដោយ ការបង្ហាញពីសេវាតម្លៃ និង គុណសម្បត្តិរបស់ផលិតផលទាំងនោះ អាចជាការបំភ័ន្តភ្នែកអតិថិជន ដើម្បីឲ្យចូលទៅមើល ឬ ទិញប៉ុណ្ណោះ។ នេះជាការបញ្ជាក់របស់យុវជនចំរើន រស់នៅក្នុងរាជធានីភ្នំពេញ។ យុវជនរូបនេះបានពោលថា "ឥឡូវនេះ ខ្ញុំមិនសូវជឿលើការផ្សព្វផ្សាយប៉ុន្មានទេ។ ឧទាហរណ៍ថា ទិញមួយថែមមួយ នៅពេលយើងឃើញការផ្សព្វផ្សាយនេះយើងចង់ទិញ ប៉ុន្តែពេលទៅទិញផលិតផលថែមឲ្យអាតូចតម្លៃថោក ដែលខុសគ្នាឆ្ងាយពីអាយើងចង់បានណាស់"។

សព្វថ្ងៃនេះ មានការកត់សម្គាល់ថា គេហទំព័រមួយចំនួនបានចុះផ្សាយពីតារាងតម្លៃ និង គុណសម្បត្តិរបស់ផលិតផលនានា ដែលជាការងាយស្រួលដល់អ្នកចង់ទិញផលិតផល ដោយពួកគេអាចប្រៀបធៀបតម្លៃផង និង គុណសម្បត្តិផលិតផលផង មុននឹងឈានដល់ការទិញផលិតផលទាំងនោះយកមកប្រើប្រាស់។ ក្នុងចំណោមគេហទំព័រជាច្រើនដែលចុះផ្សាយពីតម្លៃ និង គុណភាពផលិតផល ក្នុងនោះមានគេហទំព័រ Sabay ក៏បានចុះផ្សាយពីតម្លៃទូរសព្ទ និង ម៉ូតូ ផងដែរ៕

សូមអានអត្ថបទសង្គមច្រើនទៀតចុចត្រង់នេះ