- 2019-08-06 09:53:47
- ព័ត៌មាន
អាជ្ញាធរក្រុងព្រះសីហនុ ចាប់ផ្ដើមកាយសំរាមចេញពីអូរ និងប្រឡាយ សម្រាប់រំដោះទឹក
- 2019-08-06 09:53:47
- ចំនួនមតិ 0 | ចំនួនចែករំលែក 0
អាជ្ញាធរក្រុងព្រះសីហនុ ចាប់ផ្ដើមកាយសំរាមចេញពីអូរ និងប្រឡាយ សម្រាប់រំដោះទឹក
ចន្លោះមិនឃើញ
ចាប់តាំងពីព្រឹកថ្ងៃទី ៦សីហា ២០១៩ មកដល់រសៀលថ្ងៃដដែល អាជ្ញាធរបានកាយសំរាមចេញពីអូរ និងប្រឡាយ បានជាង២ឡាន នៅសង្កាត់លេខ៤ ក្រុងព្រះសីហនុ។ ការស្ដារអូរ និងប្រឡាយនេះ គឺមានការចូលរួមពី ក្រុមហ៊ុនប្រមូលសំរាម, មន្ទីរសាធារណការ, មន្ទីរធនធានទឹក និងផ្នែកពាក់ព័ន្ធមួយចំនួន។
លោក លឹម ភត្រី មន្ដ្រីរដ្ឋបាលក្រុងព្រះសីហនុទទួលបន្ទុករដ្ឋបាលសាធារណៈ និងបរិស្ថាន បានឲ្យដឹងថា ក្រុមការងារបានចុះកាយសំរាម បានចំនួន២ឡាន គិតតាំងពីព្រឹកមិញរហូតមកដល់ឥលូវនេះ ដែលស្ថិតនៅទីតាំងខាងលើ។
មន្ត្រីរដ្ឋបាលក្រុងព្រះសីហនុ ក៏បានអំពាវនាវដល់ប្រជាពលរដ្ឋ ជាពិសេសអាជីវករ ដែលកន្លងមក ធ្លាប់មានទម្លាប់អាក្រក់បោះចោលសំរាមចូលទៅក្នុងអូរ និងប្រឡាយ សម្រាប់រំដោះទឹកចេញពីក្រុង ឲ្យឈប់បន្ដសកម្មភាពអវិជ្ជមានទាំងនេះ។
ទន្ទឹមនឹងនេះបានស្នើឲ្យចូលរួមវេចខ្ចប់កាកសំណល់សំរាម យកទៅទុកដាក់នៅតាមទីតាំងសមរម្យ ឲ្យបានទាំងអស់គ្នា ដើម្បីបរិស្ថានអនាម័យក្រុងស្អាត មានសោភ័ណភាព ជាពិសេសដើម្បីបញ្ចៀសជំនន់ទឹកភ្លៀងជន់លិចផ្លូវ និងលិចផ្ទះ របស់ប្រជាពលរដ្ឋនាថ្ងៃខាងមុខ។
រូបភាព៖ មន្រ្តីរដ្ឋបាលក្រុងព្រះសីហនុ