- 2019-08-13 08:06:24
- ព័ត៌មាន
ប្រទេសមួយនៅអាស៊ានល្បីជំនាញខាងវះកាត់ប្ដូរភេទបំផុត
- 2019-08-13 08:06:24
- ចំនួនមតិ 0 | ចំនួនចែករំលែក 0
ប្រទេសមួយនៅអាស៊ានល្បីជំនាញខាងវះកាត់ប្ដូរភេទបំផុត
ចន្លោះមិនឃើញ
ថៃជាប្រទេសដែលបើកទូលាយរឿង LGBT ស្រាប់ ហើយរឿងភេទចម្រុះនេះក៏តែងត្រូវបានសង្គមយកចិត្តទុកដាក់មិនតិចដែរ។ ដោយការបើកទូលាយនេះហើយទើបធ្វើឲ្យជាងមួយទសវត្សកន្លងមកនេះ ប្រទេសថៃក្លាយជាមជ្ឈមណ្ឌលវះកាត់ប្ដូរភេទមួយរបស់ពិភពលោករួចបាត់ទៅហើយ។ មនុស្សជាច្រើនអាចសង្ស័យថា ហេតុអ្វីមិនមែនជាប្រទេសកូរ៉េដែលល្បីល្បាញរឿងវះកាត់កែសម្ផស្ស? ខាងក្រោមនេះជាដើមចមដែលធ្វើឲ្យជំនួញវះកាត់ប្ដូរភេទនៅថៃរីកលូតលាស់ខ្លាំង ៖
ថ្វីដៃពេទ្យ ៖
គ្រូពេទ្យនៅថៃមានជំនាញខ្ពស់ និងបទពិសោធន៍ច្រើន ព្រោះការវះកាត់ប្ដូរភេទនេះមាននៅថៃតាំងពីយូរណាស់មកហើយ។
បច្ចេកវិទ្យាទំនើប ៖
ដោយហេតុតែថៃជាប្រទេសដែលបើកទូលាយរឿងភេទចម្រុះ រឿងការវះកាត់ប្ដូរភេទ ទើបធ្វើឲ្យមន្ទីរពេទ្យធំៗជាច្រើន បើកបម្រើការសេវាកម្មវះកាត់នេះ។ មន្ទីរពេទ្យទាំងនោះ មានដើមទុនខ្ពស់ក្នុងការនាំចូលឧបករណ៍ទំនើបៗ បច្ចេកវិទ្យាថ្មីៗ ដែលអាចផ្ដល់ប្រសិទ្ធភាពខ្ពស់ដល់អតិថិជន។
ចុចអាន៖ មកដឹងតម្លៃវះកាត់ប្ដូរភេទនៅថៃ ជាកញ្ចប់ទាំងវះកាត់និងស្នាក់នៅ
តម្លៃសមរម្យ ៖
បើប្រៀបធៀបតម្លៃវះកាត់នេះជាមួយបណ្ដាប្រទេសនៅអ៊ឺរ៉ុប តម្លៃនៅទីនោះខ្ពស់ជាងនៅថៃពី ៥ ទៅ ១០ ដងឯណោះ។ គ្លីនិកនៅថៃខ្លះក៏អាចវះកាត់បានយ៉ាងល្អដោយចំណាយលុយមិនដល់មួយសែនបាតផង តែគុណភាពអាចនឹងមិនដល់មន្ទីរពេទ្យអន្តរជាតិធំៗនៅឡើយទេ។
វះកាត់ប្ដូរភេទពូកែជាងកូរ៉េ ៖
ភាគច្រើនពេលគេនិយាយដល់ការវះកាត់កែសម្ផស្ស គេនឹងនឹកឃើញប្រទេសកូរ៉េមុនគេ។ តែតាមការពិតទៅ នៅកូរ៉េជំនាញខាងវះកាត់ប្ដូរទម្រង់មុខមាត់ច្រើនជាង (ជនជាតិកូរ៉េច្រើនតែមានទម្រង់មុខធំ ថ្គាមធំ ដូចនេះពេទ្យកែសម្ផស្សកូរ៉េមានជំនាញខាងវះកាត់ប្ដូរទម្រង់មុខ កាត់ឆ្អឹងនេះជាងនៅថៃ)។
កន្លែងសម្រាកព្យាបាល ៖
មានគ្លីនិកជាច្រើនបើកជាមន្ទីរវះកាត់ជាពិសេស ហើយមានការរចនាឲ្យស្រដៀងនឹងសណ្ឋាគារ ឬ រីសត ដើម្បីឲ្យអតិថិជនទទួលបានភាពស្រណុកសុខស្រួលក្នុងអំឡុងពេលសម្រាកព្យាបាល។ មានកន្លែងខ្លះ ក៏មានទីសម្រាកព្យាបាលប្រណិតៗ ដើម្បីទទួលបានសេវាព្យាបាលលឿនរហ័សទាន់ចិត្តគ្រប់ពេលវេលាទៀតផង។
ការបើកទូលាយរឿងភេទចម្រុះ ៖
សង្គមភេទទី ៣ កាន់តែមានការទទួលស្គាល់កាន់តែច្រើនឡើងៗ មិនថាតែក្នុងប្រទេសថៃ ឬនៅបរទេសទេ។ មនុស្សជាច្រើនអាចបង្ហាញអត្តសញ្ញាណខ្លួនបានយ៉ាងសេរីជាងមុន ធ្វើឲ្យអត្រាការវះកាត់ប្ដូរភេទមានការកើនឡើងខ្ពស់ដូចគ្នា។ ឆ្នាំ ២០១៦ កន្លងទៅនេះ មន្ទីរពេទ្យអន្តរជាតិ មួយនៅបាងកកប្រទេសថៃបានវះកាត់ប្ដូរភេទអ្នកទៅទទួលសេវាកម្មច្រើន Top 3 នៅអាស៊ី ប្រមាណជា ១ ៥០០ នាក់រួចទៅហើយក្នុងរយៈពេល ២០ ឆ្នាំមកនេះ៕