• 2019-08-23 02:18:52
  • ព័ត៌មាន

ទាំង​នេះ​ហើយ​ជា​ឡាន​ខុស​ប្រក្រតី​ជាង ៥០០គ្រឿង ដែល​ក្រសួង​ចាប់​បាន

  • 2019-08-23 02:18:52
  • ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមការងារអន្តរក្រសួង បានចុះពិនិត្យជាក់ស្តែងចំពោះរថយន្តមានភាពមិនប្រក្រតី ដែលមន្ដ្រីគយ និងរដ្ឋាករមានសមត្ថកិច្ចបានឃាត់ទុកនៅឃ្លាំងគយបណ្តោយមហាវិថីឈ្នះឈ្នះ។

បេសកកម្ម​នេះ​ត្រូវ​បានដឹកនាំដោយលោក ហ៊ាង សុទ្ធាយុត្តិ អ្នកនាំពាក្យក្រសួងសាធារណការ និងដឹកជញ្ជូន ប្រធាន​នាយកដ្ឋានព័ត៌មានវិទ្យា និងទំនាក់ទំនងសាធារណៈ និង​ជា​សហប្រធាន​ក្រុមការងារ​អន្តរ​ក្រសួង តភ្ជាប់​ប្រព័ន្ធស្វ័យប្រវត្តិកម្មដឹកជញ្ជូនផ្លូវគោក និង​ប្រព័ន្ធស្វ័យ​ប្រវត្តិកម្ម​ទិន្នន័យ​គយ និង​លោក ប៉ោ សួន អនុប្រធាននាយកដ្ឋានកិច្ចការច្បាប់ សវនកម្ម និង​​ទំនាក់​ទំនង​សាធារណៈ និងជាអនុប្រធានក្រុមការងារ ដោយ​មាន​ការ​ចូល​រួម​ពី​មន្ត្រី​ជំនាញ​ពាក់ព័ន្ធ​មក​ពី​អគ្គនាយក​ដ្ឋាន​ដឹក​ជញ្ជូន​ផ្លូវគោក អគ្គនាយកដ្ឋានគយ និងរដ្ឋាករកម្ពុជា និង​នាយកដ្ឋាន​ព័ត៌មានវិទ្យា និង​ទំនាក់ទំនង​សាធារណៈ។

ការចុះពិនិត្យរថយន្តជាក់ស្តែងនាពេលនោះ ធ្វើឡើង ដោយ​គំនិតផ្តួចផ្តើមរបស់ លោក ស៊ុន ចាន់ថុល ក្រោយ​ការ តភ្ជាប់ប្រព័ន្ធបច្ចេកវិទ្យារបស់ក្រសួងសាធារណការ និង​ដឹក​ជញ្ជូន ជា​មួយ​អគ្គនាយកដ្ឋានគយ និង​រដ្ឋាករកម្ពុជា កំពុងផ្តល់លទ្ធផលជាផ្លែផ្កាសកម្មភាព​ក្រុម​ការងារ​អន្តរ​ក្រសួង​ចុះត្រួតពិនិត្យរថយន្តមានភាពមិនប្រក្រតី នៅ​ថ្ងៃទី២១ ខែសីហា ឆ្នាំ២០១៩។

ក្នុង​ការ​ការចុះពិនិត្យ​នេះ​ដែរ​ត្រូវ​បាន​ឃាត់​ទុក​មួយ​ចំនួន​ក្នុង​ចំណោម​ជាង ៥០០គ្រឿង​ក្នុង​គោល​បំណង​ដើម្បី​វាយ​តម្លៃ​លើ​ភាព​មិន​ប្រក្រតី​នៃ​រថយន្ត​គ្មាន​បង្កាន់​ដៃ​ពន្ធ​នាំចូល មិនមានផ្លាកលេខ ពាក់​ផ្លាកលេខក្លែងក្លាយ ពាក់​ផ្លាកលេខ​បាន​ពីផល​ចោរកម្ម រថយន្ត​កាត់ត និង​មានបញ្ហាលេខតួ លេខ​ម៉ាស៊ីន ម៉ូដែល និង​ឆ្នាំផលិត និងទ្រង់ទ្រាយផ្សេងជាដើម។

គួរ​បញ្ជាក់​ដែរ​ថា រថយន្ត​ដែល​ត្រូវបានឃាត់ទុកនោះមានជាង ៥០០គ្រឿង ក្នុង​នោះ​ជាង​២០០គ្រឿង​ត្រូវ​បាន​ចាប់​ដោយ​គយ​ចល័ត ព្រោះ​មាន​ទិន្នន័យ​កំណត់​គោលដៅ​ច្បាស់លាស់​ពី​ប្រព័ន្ធ​បច្ចេកវិទ្យា​ក្រសួង​សាធារណការ និងដឹកជញ្ជូន និងអគ្គនាយកដ្ឋានគយ និងរដ្ឋាករកម្ពុជា។ កិច្ច​ខិត​ខំ​ប្រឹង​ប្រែង​នេះ​ក៏​បានចូលរួមធ្វើឱ្យចំណូលពន្ធនាំចូលយានយន្តមានការកើនឡើងប្រមាណ៣៤% ក្នុងឆ្នាំ២០១៨ ធៀបនឹងឆ្នាំ២០១៧ ៕

រូបភាព៖ ក្រសួងសាធារណការ និងដឹកជញ្ជូន

អត្ថបទ៖ ម៉េងងី

មតិយោបល់