អ្នកម្ដាយព្រៃផ្សៃលក់កូនភ្លោះខ្លួនឯង ១ម៉ឺនដុល្លារដើម្បីទិញទូរសព្ទថ្មី

2019-09-11 02:35:00
ព័ត៌មាន

2019-09-11 02:35:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ទោះបីជាគេដឹងថា អ្នកម្ដាយរូបនេះមានជីវភាពខ្សត់ខ្សោយក៏ដោយ តែសកម្មភាពលក់កូនដើម្បីទិញរបស់ប្រើប្រាស់នេះគឺមិនអាចទទួលយកបានឡើយ។

គេតែងនិយាយថា ខ្លាទោះបីជាកាចយ៉ាងណាក៏មិនស៊ីសាច់កូនដែរ ម្ដាយទោះបីជាពិបាកយ៉ាងណាក៏មិនទុកឲ្យកូនពិបាកដូចគ្នា។ យ៉ាងណាក្ដី អ្នកម្តាយមួយរូបបានធ្វើឲ្យខឹងយ៉ាងខ្លាំងនៅពេលប្រកាសលក់កូនរបស់ខ្លួនដើម្បីសងលុយដែលខ្លួនបានខ្ចី។

យោងតាមបណ្ដាញព័ត៌មាន Sina អ្នកម្ដាយវ័យក្មេងរូបនេះមានអាយុ២០ឆ្នាំ ត្រកូល Ma មកពីខេត្ត Zhejiang ប្រទេសចិន។ តាមនោះដែរ Ma បានជ្រុលមានកូនជាមួយមិត្តប្រុស។ ក្រោយពេលប្រាប់ឪពុកម្ដាយខ្លួនថា នាងកំពុងមានកូនភ្លោះក្នុងផ្ទៃ ឪពុកម្ដាយនាងមិនបានជួយទំនុកបម្រុងឡើយ ដោយពួកគេមិនអាចទទួលយកបានចំពោះការមានកូនមុនរៀបការ។ នៅពេលស្វែងរកមិត្តប្រុសដើម្បីរកជំនួយ ក៏មិនបានសម្រេចព្រោះ រូបលោកកំពុងជំពាក់ជុំទិសដោយសារល្បែង។

ក្រោយពេលសម្រាលកូនរួច នាងបានគិតដល់ការលក់កូននេះភ្លាមៗ ដោយក្រោយកើតបានតែ១សប្ដាហ៍ នាងបានលក់កូនម្នាក់ក្នុងតម្លៃ៨០០០ដុល្លារ និងកូនមួយទៀតត្រូវបានលក់ក្នុងតម្លៃ២០០០ដុល្លារ។ ដោយសារតែមានលុយច្រើនក្នុងដៃ នាងបានសងបំណុលគេ ហើយព្រមទាំងបានទិញទូរសព្ទថ្មីមួយគ្រឿងទៀតផង។ ក្រោយពេលដឹងថា សង្សារខ្លួនលក់កូនបានលុយច្រើនដូចនេះ មិត្តប្រុសនាងបានត្រលប់មករកនាងវិញ ហើយសុំលុយដើម្បីសងបំណុល ព្រោះគិតថាកូននេះគឺជារបស់លោកដែរ។ យ៉ាងណាក្ដី នៅពេលអ្នកទាំង២កំពុងឈ្លោះប្រកែកគ្នា ប៉ូលិសក៏បានរកឃើញថា អ្នកទាំង២បានរកស៊ីលក់កូនខុសច្បាប់ ហើយចាប់ខ្លួន។ នៅពេលត្រូវចាប់ខ្លួន Ma បានប្រាប់ថាខ្លួនបានចាយលុយលក់កូនអស់ហើយ។

នៅពេលនេះកូនភ្លោះទាំង២ត្រូវបានបញ្ចូនមកវិញហើយ ដោយឲ្យឪពុកម្ដាយខាងស្រីជាអ្នកចិញ្ចឹម។ នៅលើបណ្ដាញសង្គម Ma ព្រមទាំងមិត្តប្រុសត្រូវបានគេរិះគន់យ៉ាងចាស់ដៃ៕

ចុចអាន៖ ជនលួចលុយ២០ម៉ឺនដុល្លារ រហស្សនាមឧក្រិដ្ឋជនស្អាតបំផុតនៅចិន សន្យាកែខ្លួនពេលចេញពីគុក

ប្រភព៖ Eva ប្រែសម្រួល៖ Caramel