- 2019-10-22 02:13:13
- ព័ត៌មាន
ទីបំផុត! ដឹងមូលហេតុ គីមជុងអ៊ុនបញ្ជាឲ្យបិទបង្អួចអគារខ្ពស់ៗក្នុងទីក្រុងព្យុងយ៉ាង
- 2019-10-22 02:13:13
- ចំនួនមតិ 0 | ចំនួនចែករំលែក 0
ទីបំផុត! ដឹងមូលហេតុ គីមជុងអ៊ុនបញ្ជាឲ្យបិទបង្អួចអគារខ្ពស់ៗក្នុងទីក្រុងព្យុងយ៉ាង
ចន្លោះមិនឃើញ
រដ្ឋាភិបាលកូរ៉េខាងជើង បានធ្វើការបិទបង្អួចអគារខ្ពស់ៗក្នុងទីក្រុងព្យុងយ៉ាង តាមការបញ្ជាផ្ទាល់របស់មេដឹកនាំគីម ជុងអ៊ុន។
យោងតាមរបាយការណ៍ចេញកាលពីថ្ងៃសុក្រឲ្យដឹងថា មន្ត្រីក្រសួងសន្ដិសុខជាតិបានចុះទៅធ្វើការបិទបង្អួចអគារខ្ពស់ៗដែលនៅជុំវិញអគាររដ្ឋាភិបាល ដោយប្រើប្រាស់បេតុង និងឧបករណ៍បិទបាំងផ្សេងទៀតដើម្បីកុំឲ្យមើលឃើញ។ ប្រភពដដែលបន្ថែមថា ការធ្វើដូច្នេះ គឺដើម្បីការពារពលរដ្ឋដែលរស់នៅអគារខ្ពស់ៗទាំងនោះ សម្លឹងមើលមកក្រោមនៅពេលដែលលោកគីម ជុងអ៊ុនធ្វើការជាមួយមន្ត្រីជាន់ខ្ពស់ ក៏ដូចជាការអភិវឌ្ឍកម្មវិធីជាដើម។ ការបិទបង្អួចនេះ ក៏ធ្វើឡើងដើម្បីការពារពីការឈ្លបយកការណ៍ផ្សេងៗដែលនាំឲ្យប៉ះពាល់ដល់ការដឹកនាំរបស់រដ្ឋាភិបាល។ លើសពីនេះទៀត ពលរដ្ឋទាំងនោះត្រូវបានរាយការណ៍ថា បានលួចថតរូបពេលថ្នាក់ដឹកនាំប្រទេសបើកកិច្ចប្រជុំ ហើយចែកចាយរូបភាពទាំងនោះទៅខាងក្រៅ។
គួរឲ្យដឹងថា មកទល់ពេលនេះកូរ៉េខាងជើងនៅតែជាប្រទេសដែលឯកោបំផុតមួយក្នុងពិភពលោក ហើយសិទ្ធិសេរីភាពសារព័តមានគឺមិនមានឯករាជ្យភាពនោះទេ៕