• 2019-11-06 02:19:16
  • ព័ត៌មាន

ប្រសើរណាស់! ក្រុមហ៊ុន១នៅអាហ្វ្រិកខាងត្បូង កំពុងច្នៃដបទឹកដោះគោមកក្រាលធ្វើផ្លូវថ្នល់

  • 2019-11-06 02:19:16
  • ចំនួនមតិ 0 | ចំនួនចែករំលែក 0

ចន្លោះមិនឃើញ

សម្បក​ដប​ទឹក​ដោះ​គោ កំពុង​ត្រូវ​បាន​គេ​កែ​ច្នៃ​ប្រើប្រាស់​ឡើង​វិញ​ដើម្បី​យក​មក​ក្រាល​ធ្វើ​ផ្លូវ​ថ្នល់​ក្នុង​ប្រទេស​អាហ្រ្វិក​ខាង​ត្បូង ក្នុង​គោល​បំណង​ដោះ​ស្រាយ​បញ្ហា​សំរាម​ប្លាស្ទិក និង​ពង្រឹង​គុណភាព​ផ្លូវ​ថ្នល់។

កាល​ពី​ខែ​សីហា​កន្លង​ទៅ ក្រុម​ហ៊ុន​សាងសង់ Shisalanga គឺ​ជា​ក្រុមហ៊ុន​ដំបូង​បង្អស់​ក្នុង​ប្រទេស​អាហ្វ្រិក​ខាង​ត្បូង​ដែល​បាន​ប្រើប្រាស់​ប្លាស្ទិក​ជា​ផ្នែក​មួយ​នៃ​ការ​ក្រាល​ផ្លូវ​ថ្នល់។ ឥឡូវ​ក្រុមហ៊ុន បាន​ក្រាល​ផ្លូវ​ជាង ៤០០​ម៉ែត្រ​ហើយ​ក្នុង​ទីក្រុង Cliffdale ដែល​ប្រើប្រាស់​កៅស៊ូ​ធ្វើ​ពី​សម្បក​ដប​ទឹក​ដោះ​គោ​ជិត ៤០ ០០០​ដប។ សម្បក​ដប​ទាំង​នោះ ត្រូវ​បាន​គេ​យក​ទៅ​រំលាយ​ក្នុង​កម្ដៅ​ជាង ១៩០​អង្សា និង​បញ្ចូល​សារធាតុ​ផ្សេង​ទៀត​ដើម្បី​ធ្វើ​កៅស៊ូ​ក្រាល​ថ្នល់​បាន។ លើស​ពី​នេះ ក្រុមហ៊ុន​ឲ្យ​ដឹង​ថា​អំឡុង​ពេល​រំលាយ​សារធាតុ​ផ្សំ​នេះ មាន​ការ​បំភាយ​ជាតិ​ពុល​តិច​តួច​ប៉ុណ្ណោះ ហើយ​កៅស៊ូ​ដែល​ផលិត​បាន​មាន​ភាព​រឹង​មាំ​ជាង​កៅស៊ូ​ធម្មតា និង​អាច​ទ្រទ្រង់​សីតុណ្ហភាព​ខ្ពស់​បំផុត​ដល់ ៧០​អង្សា និង​ទាប​បំផុត -២២​អង្សា។

ជាមួយ​គ្នា ​ភ្នាក់​ងារ​សុវត្ថិភាព​ផ្លូវ​ថ្នល់​អាហ្វ្រិកខាងត្បូង​ឲ្យ​ដឹង​ថា ជង្ហុក​តាម​ផ្លូវ​ថ្នល់​ត្រូវ​ប៉ាន់​ស្មាន​ថា​ប៉ះពាល់​ដល់​សេដ្ឋកិច្ច​ជាង ៣,៤​ប៊ីលាន​ដុល្លារ​ជា​រៀង​រាល់​ឆ្នាំ សម្រាប់​ការ​ជួសជុល​យានយន្ដ​ឡើង​វិញ ក៏​ជា​ព្យាបាល​របួស​អ្នក​ជំងឺ​ដែល​រង​របួស​ដោយ​សារ​គ្រោះថ្នាក់​ផង​ដែរ។ ដូច្នេះ​ជាមួយ​បច្ចេក​វិទ្យា​កៅស៊ូ​ក្រាល​ថ្នល់​ថ្មី ត្រូវ​បាន​រំពឹង​ថា​នឹង​ផលិត​ផ្លូវ​ថ្នល់​មាន​គុណភាព​ជាង​មុន​ដើម្បី​ដោះ​ស្រាយ​បញ្ហា​ទាំងនេះ៕

ប្រភព៖ BBC ប្រែ​សម្រួល៖ រ័ត្ន

មតិយោបល់