បែកធ្លាយ! អាមេរិកព្រមានទារថ្លៃពន្ធឡានពីអង់គ្លេស បើមិនព្រមចោទប្រកាន់អ៊ីរ៉ង់

2020-01-17 06:49:03
ព័ត៌មាន

2020-01-17 06:49:03
ចំនួនមតិ 0 | ចំនួនចែករំលែក 0

ចន្លោះមិនឃើញ

រដ្ឋាភិបាលក្រុងវ៉ាស៊ីនតោនដឹកនាំដោយលោកប្រធានាធិបតីដូណាល់ ត្រាំ បានធ្វើការព្រមានចក្រភពអង់គ្លេសថានឹងទារថ្លៃពន្ធនាំចូលរថយន្ដ ២៥% ប្រសិនបើមិនយល់ព្រមចោទប្រកាន់អ៊ីរ៉ង់ថារំលោភកិច្ចព្រមព្រៀងនុយក្លេអ៊ែរឆ្នាំ ២០១៥។

យោងតាម The Washington Post ឲ្យដឹងថាការគំរាមកំហែងនេះ ត្រូវបានធ្វើឡើងយ៉ាងសម្ងាត់ដែលទម្លាយដោយមន្ត្រីសុំមិនបញ្ចេញឈ្មោះម្នាក់។ ការដាក់ទណ្ឌកម្មអាចនឹងត្រូវធ្វើឡើងដោយយកពន្ធពីយានយន្ដទាំងអស់ដែលនាំចូលពីអ៊ឺរ៉ុបមកកាន់សហរដ្ឋអាមេរិក ប្រសិនបើអង់គ្លេស, បារាំង និងអាល្លឺម៉ង់ មិនយល់ព្រមតាមការទាមទាររបស់ក្រុងវ៉ាស៊ីនតោន។ ការគំរាមកំហែងនេះ ត្រូវបានធ្វើឡើងរយៈពេលប៉ុន្មានថ្ងៃប៉ុណ្ណោះ ក្រោយពេលដែលប្រទេសមហាអំណាចសហភាពអ៊ឺរ៉ុប បានបង្កឱ្យមានយន្តការជម្លោះមួយក្រោមកិច្ចព្រមព្រៀងដែលជាការចោទប្រកាន់ជាផ្លូវការប្រឆាំងនឹងទីក្រុងតេរ៉ង់នៃការរំលោភលើលក្ខខណ្ឌរបស់ខ្លួន។ ការណ៍នេះ អាចនាំទៅរកការដាក់ទណ្ឌកម្មរបស់អង្គការសហប្រជាជាតិឡើងវិញ ប៉ុន្តែកំពុងត្រូវបានរៀបចំឡើងដោយសហគមន៍អ៊ឺរ៉ុបដែលជាឱកាសចុងក្រោយដើម្បីជួយសង្គ្រោះកិច្ចព្រមព្រៀងនុយក្លេអ៊ែរ។

កិច្ចព្រមព្រៀងឆ្នាំ ២០១៥ ត្រូវបានធ្វើឡើងរវាងទីក្រុងតេរ៉ង់ និងមហាអំណាចពិភពលោកដោយផ្តល់ការសង្គ្រោះអ៊ីរ៉ង់ពីការដាក់ទណ្ឌកម្មប្រសិនបើអ៊ីរ៉ង់បញ្ឈប់ការអភិវឌ្ឍរនុយក្លេអ៊ែររបស់ខ្លួន។ ប៉ុន្តែ លោក Trump បានដកខ្លួនចេញពីកិច្ចព្រមព្រៀងក្នុងឆ្នាំ ២០១៨ ហើយបានដាក់ទណ្ឌកម្មឡើងវិញដោយប្រាប់ រដ្ឋាភិបាលអ៊ីរ៉ង់ ថាលោកចង់បានកិច្ចព្រមព្រៀងតឹងរ៉ឹងជាងនេះស្តីពីនុយក្លេអ៊ែរ និងបញ្ហាផ្សេងទៀត៕