- 2020-01-21 06:32:38
- ព័ត៌មាន
អស់ពីភ្លើងឆេះព្រៃ! ឥឡូវនេះអូស្ត្រាលី កំពុងបន្ដរងគ្រោះដោយសារធ្លាក់ដុំទឹកកក (មានវីដេអូ)
- 2020-01-21 06:32:38
- ចំនួនមតិ 0 | ចំនួនចែករំលែក 0
អស់ពីភ្លើងឆេះព្រៃ! ឥឡូវនេះអូស្ត្រាលី កំពុងបន្ដរងគ្រោះដោយសារធ្លាក់ដុំទឹកកក (មានវីដេអូ)
ចន្លោះមិនឃើញ
តំបន់ជាច្រើននៅភាគអាគ្នេយ៍នៃប្រទេសអូស្ត្រាលី បានរងគ្រោះដោយសារផលប៉ះពាល់ពីភ្លើងឆេះព្រៃអស់រយៈពេលជាច្រើនខែមកហើយ ប៉ុន្តែកាលពីពេលថ្មីៗនេះ ពួកគេកំពុងប្រឈមនឹងដុំទឹកកកធ្លាក់ដ៏គ្រោះថ្នាក់ថែមទៀត។
យោងតាមសារព័ត៌មានក្នុងតំបន់ឲ្យដឹងថា ទីក្រុង Canberra, Melbourne និងតំបន់ជាច្រើនទៀត កំពុងរងគ្រោះដោយសារធ្លាក់ដុំទឹកកកប៉ុនបាល់វាយកូនហ្គោលដែលបំផ្លាញកញ្ចក់ឡាន, ផ្ទះសម្បែង, សម្លាប់សតបក្សី និងធ្លាក់ឲ្យស្លឹកឈើជ្រុះផងដែរ។ យោងតាមការិយាល័យឧតុនិយមនៃរដ្ឋ New South Wales ឲ្យដឹងថា ខ្លួនបានចេញសេចក្ដីប្រកាសឲ្យពលរដ្ឋមានការប្រុងប្រយ័ត្នខ្ពស់ពីដុំទឹកកកធ្លាក់ និងអាចមានភ្លៀងធ្លាក់ខ្លាំងជាបន្ដបន្ទាប់ទៀតជាពិសេសនៅភាគខាងកើត និងភាគឦសាន។
លើសពីនេះទៀត ព្យុះធ្លាក់ទឹកកកនេះ អាចនឹងបង្ហាញសញ្ញាព្រមានពីការបាក់ដីក្រោយពេលដែលតំបន់នេះរងគ្រោះយ៉ាងជោគជាំដោយសារភ្លើងឆេះព្រៃរួចមក។ ជាមួយគ្នាដែរ មកទល់ពេលនេះ អាជ្ញាធរបានទទួលទូរស័ព្ទចំនួនជាង ១ ៩០០លើកមកហើយពីប្រជាពលរដ្ឋដើម្បីសុំជំនួយបន្ទាន់៕
សូមទស្សនាវីដេអូខាងក្រោម ៖