ហួសចិត្ត! ខ្លាចឆ្លងវីរុសកូរ៉ូណាពេក ស្ត្រីម្នាក់យកដបទឹកគ្របក្បាល នៅព្រលានយន្ដហោះ

2020-01-29 06:29:50
ព័ត៌មាន

2020-01-29 06:29:50
ចំនួនមតិ 0 | ចំនួនចែករំលែក 0

ចន្លោះមិនឃើញ

ខណៈពេលដែលវីរុសកូរ៉ុណាមានប្រភពមកពីទីក្រុង Wuhan កំពុងផ្ទុះនិងរីករាលដាលពេញប្រទេសចិនក៏ដូចជាបណ្ដាលប្រទេសផ្សេងទៀតនៅលើពិភពលោក ប្រជាជនរួមជាមួយអាជ្ញាធរមានវិធានការណ៍ខ្ពស់សម្រាប់ទប់ទល់ជំងឺឆ្លងដ៏សាហាវនេះ។

បើគិតមកត្រឹមថ្ងៃពុធនេះ អ្នកឆ្លងបានកើនឡើងដល់ ៦០៥៩នាក់ខណៈចំនួនអ្នកស្លាប់ដោយសារជំងឺរលាកសួតប្រភេទថ្មី បង្កឡើងដោយកូរ៉ូណាវីរុស បានបន្តកើនឡើងដល់ ១៣២នាក់។ ជាធម្មតាការពាក់ម៉ាស គឺជាមធ្យោបាយមួយដើម្បីទប់ទល់និងការពារពីការឆ្លងជំងឺនេះ។ ជាមួយគ្នាដែរ កាលពីពេលថ្មីៗនេះ គេបានប្រទះឃើញស្ត្រីម្នាក់ប្រើមធ្យោបាយប្លែកពីគេដើម្បីការពារខ្លួនពីវីរុសកូរ៉ូណា។ ស្ត្រីរូបនេះ បានយកដបទឹកមកពាក់លើក្បាល ហើយត្រូវបានគេឃើញនៅព្រលានយន្ដហោះអន្តរជាតិ Vancouver ប្រទេសកាណាដា។ យ៉ាងណាមិញ អត្តសញ្ញាណស្ត្រីខាងលើ មិនត្រូវបានគេដឹងនោះទេ ប៉ុន្តែអ្នកប្រើប្រាស់បណ្ដាញសង្គមនាំគ្នាចែកចាយរូបនេះ និងសម្ដែងការហួសចិត្តក៏ដូចជាអស់សំណើចផងដែរ។ ប៉ុន្តែតាមការសន្និដ្ឋានមួយចំនួនឲ្យដឹងថា ប្រហែលជាស្ត្រីរូបនេះខ្លាចឆ្លងវីរុសកូរ៉ូណាតាមរយៈខ្សែភ្នែក។

គួរឲ្យដឹងថា វីរុសនេះកំពុងក្លាយជាការគំរាមកំហែងទូទាំងពិភពលោកនៅពេលដែលមានករណីរាប់សិបត្រូវបានបញ្ជាក់នៅក្នុងកន្លែងចំនួន ១៤ ខាងក្រៅប្រទេសចិនដីគោករួមទាំងមួយករណីក្នុងប្រទេសកម្ពុជាផងដែរ៕