- 2020-02-05 07:53:33
- ព័ត៌មាន
រំជួលចិត្ត! ពលរដ្ឋចិនមួយភូមិ នាំគ្នាផ្ញើចេក ២២តោន ទៅឲ្យខេត្តផ្ទុះវីរុសកូរ៉ូណា
- 2020-02-05 07:53:33
- ចំនួនមតិ 0 | ចំនួនចែករំលែក 0
រំជួលចិត្ត! ពលរដ្ឋចិនមួយភូមិ នាំគ្នាផ្ញើចេក ២២តោន ទៅឲ្យខេត្តផ្ទុះវីរុសកូរ៉ូណា
ចន្លោះមិនឃើញ
អ្នកភូមិមួយនៅក្នុងប្រទេសចិន បាននាំគ្នាផ្ញើចេកចំនួន ២២តោនទៅកាន់ខេត្ត Hubei ដែលជាកន្លែងផ្ទុះវីរុសកូរ៉ូណាសម្លាប់មនុស្សរាប់រយនាក់។
យោងតាមកាសែត People's China ឲ្យដឹងថា អ្នកភូមិ Shibanzhai នៃខេត្ត Yunnan បានបង្ហាញក្ដីស្រឡាញ់និងការរួមសុខទុក្ខជាមួយជនរបស់ខ្លួន ក្រោយពេលដែលដឹងថាពួកគេកំពុងខ្វះខាតស្បៀងអាហារ និងផ្លែឈើស្រស់ ក្រោយពេលដែលអាជ្ញាធរបិទទីក្រុង Wuhan ដោយសារផ្ទុះវីរុសឆ្លងក៉ូរ៉ូណា។ យោងតាមមេភូមិលោក Pan Haijin ឲ្យដឹងថា "ការដាំចេក គឺជាមុខរបរដ៏សំខាន់ដែលជួយអ្នកភូមិយើងឲ្យងើបពីភាពក្រីក្រ។ ក្រោយទទួលដំណឹងពីការខ្វះខាតស្បៀងក្នុងខេត្ត Hubei អ្នកភូមិទាំង ៩៣គ្រួសារ នាំគ្នាកាប់ចេករបស់ខ្លួនប្រមូលបាន ២២តោនក្នុងរយៈពេល ២ថ្ងៃប៉ុណ្ណោះ។” ចេកទាំង ២២តោននេះ បើគិតជាប្រាក់គឺស្មើនឹងប្រមាណ ១៣២ ០០០យ័ន (១៨ ៨០៣ដុល្លារ)។
គួរឲ្យដឹងថា មកទល់ពេលនេះ ចំនួននៃករណីអ្នកស្លាប់ដោយសារកូរ៉ូណាវីរុស ត្រូវបានបញ្ជាក់ថាកើនឡើងដល់ ៤៩០នាក់ហើយខណៈដែលអ្នកឆ្លងមានចំនួន ២៤ ៣២៤នាក់៕