• 2020-02-20 02:54:38
  • ព័ត៌មាន

សាហាវ! កូរ៉ូណាវីរុសសម្លាប់អ៊ីរ៉ង់ ២នាក់ ករណីដំបូងបង្អស់នៅមជ្ឈិមបូព៌ា

  • 2020-02-20 02:54:38
  • ចំនួនមតិ 0 | ចំនួនចែករំលែក 0

ចន្លោះមិនឃើញ

មនុស្ស​ពីរនាក់ បាន​ស្លាប់​ក្នុង​ប្រទេស​អ៊ីរ៉ង់​ក្រោយ​ធ្វើ​តេស្ដ​រក​ឃើញ​ឆ្លង​កូរ៉ូណាវីរុស​កាល​ពី​ថ្ងៃ​ពុធ ដែល​ជា​ករណី​ដំបូង​បង្អស់​ក្នុង​រដ្ឋ​អ៊ីស្លាម​មួយ​នេះ។

យោង​តាម​ក្រសួង​សុខាភិបាល ឲ្យ​ដឹង​ថា​ជន​រង​គ្រោះ​ទាំង​ពីរនាក់ គឺ​ជា​ជនជាតិ​អ៊ីរ៉ង់​ដែល​រស់​នៅ​ក្នុង​ទីក្រុង Qom។ លោក Kianoush Jahanpour អ្នកនាំពាក្យក្រសួង​បន្ថែម​ថា "ជាអកុសលអ្នកទាំងពីរ បានទទួលមរណភាពនៅក្នុងអង្គភាពថែទាំខ្លាំង ដោយសារតែអាយុចាស់និងបញ្ហាជាមួយនឹងប្រព័ន្ធភាពស៊ាំរបស់ពួកគេ។” ប្រធានផ្នែកជំងឺឆ្លងនៃក្រសួងសុខាភិបាលបាននិយាយថាអ្នកដែលបានស្លាប់គឺអ្នកស្រុក Qom ដែលមិនធ្លាប់ចេញពីប្រទេសអ៊ីរ៉ង់នោះ​ទេ។

គួរ​បញ្ជាក់ថា កូរ៉ូណាវីរុស​ដែល​ផ្ទុះ​ឡើង​ដំបូង​ក្នុង​ទីក្រុង Wuhan បាន​សម្លាប់​មនុស្ស ២ ១១៨​នាក់​ហើយ ខណៈ​ពេល​ដែល​មនុស្ស ៧៤ ៥៧៦​នាក់​ផ្សេង​ទៀត​ឆ្លង​ជំងឺ បើគិតមក​ត្រឹម​ពេល​នេះ៕

ប្រភព៖ Channelnewsasia ប្រែ​សម្រួល៖ រ័ត្ន

មតិយោបល់
អត្ថបទពេញនិយម
អត្ថបទថ្មី