សមាជិកសភា​អ៊ីរ៉ង់មួយរួប បាន​ប្រកាស​ថា​ការផ្សព្វផ្សាយព័ត៌មានក្លែងក្លាយអំពីមេរោគឆ្លងនឹងមានការផ្តន្ទាទោសដាក់ពន្ធនាគាររហូតដល់ ៣ ឆ្នាំ។

ទាក់ទងនឹងបទឧក្រិដ្ឋនិងការដាក់ទណ្ឌកម្មរបស់អ្នកដែលផ្សាយព័ត៌មានមិនពិតអំពីការរីករាលដាលនៃ COVID-19នេះ លោក Hassan Norouzi ឲ្យ​ដឹង​ថាការផ្សព្វផ្សាយព័ត៌មានមិនពិត ត្រូវបានគេចាត់ទុកថាជាបទឧក្រិដ្ឋមួយដែលស្ថិតនៅក្រោមច្បាប់ហើយអ្នករំលោភបំពាននឹងត្រូវជាប់ពន្ធនាគារពី ១ ឆ្នាំទៅ ៣ ឆ្នាំ ឬទទួល​ពិន័យ​ដោយ​ត្រូវ​គេ​យក​រំពាត់​វៃ។ ការផ្សព្វផ្សាយព័ត៌មានក្លែងក្លាយអំពីជំងឺនេះបានធ្វើឱ្យមានការព្រួយបារម្ភ និងការភ័យខ្លាច​ដល់ប្រជាជន ហើយអាចបណ្តាលឱ្យមានការរំខានដល់ការងារប្រចាំថ្ងៃ។

គួរ​បញ្ជាក់​ថា​មក​ទល់​ពេល​នេះ អ្នក​ស្លាប់​ដោយ​សារ Covid-19 នៅ​ប្រទេស​អ៊ីរ៉ង់​បាន​កើន​ដល់ ២៦​នាក់​ហើយ ខណៈ​ពេល​ដែល ២៤៥​នាក់​ផ្សេង​ទៀត​ឆ្លង​ជំងឺ​នេះ៕