Covid-19 មិនទាន់ចប់ផង! ហ្វីលីពីនផ្ទុះជំងឺផ្តាសាយបក្សីនៅកសិដ្ឋានចិញ្ចឹមគ្រួចទៀត

2020-03-17 01:11:19
ព័ត៌មាន

2020-03-17 01:11:19
ចំនួនមតិ 0 | ចំនួនចែករំលែក 0

ចន្លោះមិនឃើញ

រដ្ឋមន្ត្រីក្រសួងកសិកម្មហ្វីលីពីនបាននិយាយនៅថ្ងៃចន្ទទី១៦ខែមីនាថា ប្រទេសហ្វីលីពីនបានរកឃើញការផ្ទុះឡើងនៃជំងឺផ្តាសាយបក្សីនៅខេត្តមួយនៅភាគខាងជើងនៃប្រទេសហ្វីលីពីនបន្ទាប់ពីការធ្វើតេស្តិ៍បាន រកឃើញមានវីរុសនៃជំងឺផ្តាសាយបក្សី H5N6 នៅកសិដ្ឋានចិញ្ចឹមសត្វគ្រួចមួយនៅប្រទេសនេះ។

រដ្ឋមន្ត្រីក្រសួងកសិកម្ម បាននិយាយថាវីរុសនៃជំងឺផ្តាសាយបក្សីដែលជាប្រភេទជំងឺដូចគ្នាដែលធ្លាប់បានកើតឡើងនៅកសិដ្ឋានចិញ្ចឹមបក្សីមួយចំនួននៅក្នុងស្រុកកាលឆ្នាំ ២០១៧នោះ ត្រូវបានរកឃើញនៅ ក្នុងខេត្ត ណឺវ៉ា អ៊ីស៊ីចាដែលមានសត្វបក្សីប្រមាណជា ១.៥០០ ក្បាល បានងាប់នៅកសិដ្ឋានមួយកន្លែង។ លោក បាននិយាយថា បក្សីចំនួន១២.០០០ក្បាលត្រូវបានសម្លាប់និងកប់ចោលដើម្បីការពារការឆ្លងរាលដាលបន្ថែបទៀត។ ហ្វីលីពីនក៏ស្ថិតក្នុងសភាពវឹកវរផងដែរអំពីជម្ងឺកូវីដ១៩ ដោយប្រធានាធិបតី ឌុយទែត ដាក់ចេញការធ្វើចត្តាឡីស័កសហគមន៍នៅទូទាំងកោះលូហ្សុនបន្ថែមលើការបិទខ្ទប់រដ្ឋធានីម៉ានីល។ អ្នកនាំពាក្យប្រធានាធិបតីបានអោយដឹងថា ការបិទខ្ទប់រដ្ឋធានីម៉ានីលទាំងស្រុង ស្ថិតចំណោមជំរើសវិធានការ។

ក្រុងម៉ានីលដែលមានប្រជាជនជិត១៣លាននាក់ បានចាប់ផ្តើមការរឹតបន្តឹងការធ្វើដំណើរកាលពីព្រឹកថ្ងៃចន្ទទី១៦មីនា៕

ប្រភព ៖ rasmeinews