- 2020-04-07 09:33:14
- ព័ត៌មាន
មកដឹងពីមូលហេតុ ដែលកម្ពុជាមិនទទួលស្គាល់ដែនដីកូសូវ៉ូ
- 2020-04-07 09:33:14
- ចំនួនមតិ 0 | ចំនួនចែករំលែក 0
មកដឹងពីមូលហេតុ ដែលកម្ពុជាមិនទទួលស្គាល់ដែនដីកូសូវ៉ូ
ចន្លោះមិនឃើញ
ព្រះរាជាណាចក្រកម្ពុជា ស្ថិតក្នុងចំណោមប្រទេសចំនួន ៩៦ទៀត នៃសមាជិកអង្គការសហប្រជាជាតិ ដែលមិនទទួលស្គាល់ការប្រកាសឯករាជ្យរបស់ដែនដីកូសូវ៉ូឡើយ។
បើតាមការលើកឡើងក្នុងសន្និសីទសារព័ត៌មានកាលពីព្រឹកថ្ងៃទី៧ ខែមេសា សម្ដេចតេជោនាយករដ្ឋមន្ត្រី ហ៊ុន សែន បានលើកឡើងថា កម្ពុជាមិនគាំទ្រ ឬ លើកទឹកចិត្តដាច់ខាត ចំពោះការបំបែករដ្ឋ។
សម្ដេចតេជោក៏បានបញ្ជាក់ថា កម្ពុជារាប់អានគ្រប់រដ្ឋទាំងអស់ លើកលែងករណីក្រុមភេរវកម្ម និងដែនដីមួយចំនួន ដែលបំបែករដ្ឋប៉ុណ្ណោះ។ យ៉ាងណាមិញ ប្រទេសកម្ពុជាមិនយកនរណាមួយធ្វើជាសត្រូវឡើយ ទោះបីជាកម្ពុជាមិនទទួលស្គាល់ក្ដី។
កូសូវ៉ូជាដែនដីមួយ ដែលមានប្រជាជនធំៗ ២ក្រុមគឺ ជនជាតិកូសូវ៉ូអាល់បានី (កាន់ឥស្លាម) និងកូសូវ៉ូស៊ែប (កាន់គ្រិស្ត)។ ដែនដីនេះបានប្រកាសឯករាជ្យដោយឯកតោភាគីកាលពីឆ្នាំ២០០៨។ ដែនដីនេះធ្លាប់ស្ថិតក្រោមការគ្រប់គ្រងរបស់ប្រទេសស៊ែប ប៉ុន្តែកាលពីចុងទសវត្ស ៩០ មានជម្លោះជាតិសាសន៍នៅក្នុងខេត្តកូសូវ៉ូ នៃប្រទេសស៊ែប៕
មានដឹងថា ប្រទេសកម្ពុជាមានទំនាក់ទំនងជាមួយប្រទេសចំនួនប៉ុន្មានទេ?