- 2020-04-08 08:58:55
- ព័ត៌មាន
ថ្មីចែស! ក្រសួងវប្បធម៌ចេញវីដេអូអប់រំខ្លី យកទម្រង់សិល្បៈបុរាណ ផ្សព្វផ្សាយការពារជំងឺកូវីដ១៩
- 2020-04-08 08:58:55
- ចំនួនមតិ 0 | ចំនួនចែករំលែក 0
ថ្មីចែស! ក្រសួងវប្បធម៌ចេញវីដេអូអប់រំខ្លី យកទម្រង់សិល្បៈបុរាណ ផ្សព្វផ្សាយការពារជំងឺកូវីដ១៩
ចន្លោះមិនឃើញ
ក្រសួងវប្បធម៌ និងវិចិត្រសិល្បៈ បានធ្វើវីដេអូអប់រំខ្លីមួយ ដោយបានយកទម្រង់សិល្បៈបុរាណផ្សព្វផ្សាយសារអប់រំអំពីជំងឺកូវីដ១៩។
វីដេអូខ្លីប្រមាណជា ៣នាទី បើមើលមួយភ្លែតប្រាកដណាស់មិនដឹងថានេះជាវីដេអូអប់រំនោះទេ ទំនងជាវីដេអូផ្សព្វផ្សាយអំពីសិល្បៈ ដោយបើកក្បាលមានភ្លេង និងការសម្ដែងល្ខោន មានតួយក្ស បន្ទាប់មកមានការសម្ដែងឆៃយ៉ាំ ព្រមទាំងមានចាប៉ីដងវែង ការសម្ដែងតួអង្គហនុមាន ក្នុងរឿងរាមកេរ្តិ៍ និង របាំអប្សារា ជាដើម។
ទន្ទឹមនឹងការបង្ហាញទម្រង់សិល្បៈបុរាណចម្រុះ លោក ប៉ែន ចំរ៉ុង ដែលជាសិល្បករ ល្បីល្បាញមួយរូប បានលើកឡើងថា «សកម្មភាពសម្ដែងខាងលើនេះ ចាត់ទុកថា ជាបេសកកម្មដ៏សំខាន់ ក្នុងការការពារ ថែរក្សានូវទម្រង់សិល្បៈ ដែលជាមរតកវប្បធម៌ អរូបិយ នៃមនុស្សជាតិ ។ ចុះបច្ចុប្បន្ននេះ? ស្របពេលដែលយើងកំពុងតែប្រយុទ្ធប្រឆាំងនឹងជំងឺកូវីដ១៩ តើអ្នកទាំងអស់គ្នាបានចូលរួមបេសកកម្មដ៏សំខាន់ ក្នុងការការពារ ថែរក្សា សុខាភាព របស់លោកអ្នកដែរឬទេ?»។
វីដេអូអប់រំខ្លីនេះក៏បានបង្ហាញតួអង្គ ដែលបានសម្ដែងនៅក្នុងទម្រង់សិល្បៈបុរាណ ឲ្យបញ្ចេញទស្សនៈអំពីការចូលរួមទប់ស្កាត់ជំងឺកូវីដ១៩ តាមរយៈ៖
១. លាងដៃនឹងសាប៊ូ និងអាលកុលជាប្រចាំ
២. ពេលក្អក កណ្ដាស គឺបាំងច្រមុះ មាត់ ដោយប្រើប្រាស់កន្សែង ក្រមា កែងដៃ ឬក្រដាស ប្រើរួចបោះចូលក្នុងធុងសម្រាម
៣. ការរក្សាគម្លាត នៃការឈរ អង្គុយ ឬការស្វាគមន៍ រមែងប្រប្រាស់កាយវិកាសំពះ
៤. ការពាក់ម៉ាស់ឲ្យបានត្រឹមត្រូវ
បន្ថែមលើអ្វីដែលសិល្បករ ដែលបានសម្ដែងសិល្បៈទម្រង់បុរាណខាងលើ បង្ហាញរួចហើយ លោក ប៉ែន ចំរ៉ុង បានលើកឡើងថា ប្រសិនបើមានករណីសង្ស័យ នៃរោគសញ្ញាណាមួយ ត្រូវទាក់ទងទៅកាន់លេខទូរសព្ទ ១១៥ និង ការគោរពតាមការណែនាំរបស់ក្រសួងសុខាភិបាល ជាដើម៕
សូមទស្សនាវីដេអូអប់រំ ពីក្រសួងអប់រំខាងក្រោមនេះ