ក្នុងរយៈ៤ថ្ងៃ នៃពេលចូលឆ្នាំខ្មែរខាងមុខនេះ បុគ្គលិក មន្ត្រីរាជការ នយោជិក កម្មករ គឺមិនតម្រូវអោយមានការឈប់សម្រាកនោះទេ។

យោងទៅតាមសេចក្តីជូនដំណឹងរបស់ក្រសួងការងារដែលចុះផ្សាយនៅថ្ងៃ ព្រហស្បតិ៍ ទី៩ ខែមេសា បានអោយដឹងថា ៖

• បុគ្គលិក និយោជិត មន្ត្រីរាជការ កម្មករទាំងអស់ត្រូវធ្វើការជាធម្មតាក្នុងថ្ងៃចូលឆ្នាំ

• ចំពោះបុគ្គលិកដែលអវត្តមានការងារ (ឈប់ដោយមិនបានសុំច្បាប់) ក្នុងអំឡុងពេលចូលឆ្នាំ ត្រូវដាក់អោយនៅដាច់ដោយឡែករយៈពេល១៤ថ្ងៃ មុនពេលចូលបំពេញការងារ និងមិនទទួលបានប្រាក់ឈ្នួលក្នុងអំឡុងពេលនៃការដាក់អោយនៅដាច់ដោយឡែកនោះឡើយ។

• ចំពោះបុគ្គលិកដែលអនុញ្ញាតិច្បាប់ដោយនិយោជិត (ឈប់ដោយមានច្បាប់ត្រឹមត្រូវ) ក្នុងអំឡុងពេលចូលឆ្នាំ ត្រូវតម្រូវអោយនៅដាច់ដោយឡែករយៈពេល១៤ថ្ងៃ មុនពេលចូលបំពេញការងារ ប៉ុន្តែទទួលបានប្រាក់ឈ្នួលធម្មតា។

• និយោជកត្រូវធ្វើបញ្ជីរាយនាមឈ្មោះកម្មករ ដែលឈប់ក្នុងអំឡុងពេលចូលឆ្នាំ ដើម្បីប្រគល់ជូនអោយខាងអាជ្ញាធរដើម្បីរៀបចំការនៅដាច់ដោយឡែកសម្រាប់ពួកគាត់បន្ទាប់ពីចូលឆ្នាំរួច៕